दोलखा । नेपाल बचत तथा ऋण केन्द्रीय सहकारी संघ लिमिटेड (नेफ्स्कून) र  हाम्रो जनकल्याण बचत तथा ऋण सहकारी संस्था लि. दोलखा  विच व्यवसाय विकास सेवा कार्यक्रम कार्यान्वयनका लागि पुष ८ गते  दुबै पक्ष विच सम्झौता भएको छ । 

हाम्रो जन कल्याण बचत तथा ऋण सहकारी संस्था लि. को वित्तिय र संस्थागत क्षमता अभिवृद्धि गरी सहकारीले आफ्ना सदस्यहरुमा लगानि गर्ने ऋणहरुलाई उत्पादनसँग जोड्दै तिनै सदस्यहरुले उत्पादन गरेका बस्तुहरुलाई सहज रुपमा राष्ट्रिय तथा अन्तराष्ट्रिय वजारका ग्राहकहरुसँग सिधा सम्पर्क गराई सहकारी उद्यमीहरुलाई उद्योगी बनाउनका लागि यो कार्यक्रमको सुरुवात गरिएको संस्थाका अध्यक्ष राजन श्रेष्ठले बताउनु भएको थियो ।

वित्तिय सहकारी संस्थाले आफ्ना सदस्यहरुलाई पाँचवर्ष भित्रमा उद्यमी देखी उद्योगीसम्मको रुपान्तरणिय अभ्यास मार्फत सफल उद्यमी निर्माण गर्दै सहकारी भित्रै दिगो र संस्थागत व्यवसाय विकास कार्यक्रम विडीएस डेक्स प्रणाली स्थापना गरी सम्भाव्य उद्यमीहरुको सिप,सोच,श्रम,पूँजि वजार व्यवस्थापन र उत्पादनसेवा, सञ्जाल विस्तार,प्रबिधि र प्राबिधिक सहजिकरण गर्ने उद्धेश्य रहेको यो कार्यक्रमको सम्झौतामा नेफ्स्कूनका अध्यक्ष चन्द्रप्रसाद ढकाल सञ्चालक खेम राज सुवेदि,वरिष्ठ अधिकृत नविन राज दाहाल र  साकोसका अध्यक्ष राजन श्रेष्ठ प्रमुख कार्यकारी अधिकृत दिपक बस्नेतको हस्ताक्षर तथा नेफ्स्कून दोलखा सदस्य सेवा कार्यालयका कर्मा लामा र हाम्रो जनकल्याण साकोसका उपाध्यक्ष  सहदेव खड्काको उपस्थितिमा सम्झौता कार्यक्रम सम्पन्न भएको थियो ।