मकवानपुर । नेपाल बचत तथा ऋण केन्द्रीय सहकारी संघ लि. (नेफ्स्कून) पोखरा सदस्य सेवा कार्यालयको आयोजनामा एक दिवशीय व्यवसाय प्रबर्धन कार्यक्रम पौष २५ गते सम्पन्न भएको छ । 

नेफ्स्कून सञ्चालक कमला देवी गिरीको संयोजकत्वमा भएको कार्यक्रममा कास्की जिल्लाका १५ साकोसका व्यवस्थापक तथा प्रमुख कार्यकारी अधिकृतहरुको उपस्थिति रहेको थियो । 

कार्यक्रम सञ्चालन नेफ्स्कून सदस्य सेवा कार्यालयका प्रमुख सुरज चालिसेले गर्नुभएको थियो भने स्क्यान कार्यक्रमको विषयमा नेफ्स्कून अनुगमन सहजकर्ता दिप्ती आचार्यले प्रष्ट पार्नुभएको थियो । सहभागीहरुबाट उठेका प्रश्नहरुको उत्तर नेफ्स्कून सञ्चालक कमला देवी गिरिले गर्नुभएको थियो । 

एकदिवसीय व्यवसाय प्रवद्र्धन कार्यक्रम साकोसहरूको संस्थागत सुदृढीकरण र व्यवसायिक क्षमताको विकासका लागि महत्वपूर्ण रहेको छ । कार्यक्रम मार्फत साकोसका व्यवस्थापक तथा प्रमुख कार्यकारी अधिकृतहरूलाई आधुनिक व्यवसायिक अभ्यास, सेवा विस्तार तथा दिगो वित्तीय व्यवस्थापन सम्बन्धी ज्ञान र सीप अभिवृद्धि गर्न सहयोग पुगेको छ ।

त्यसैगरी, स्क्यान कार्यक्रमबारे स्पष्ट जानकारी प्रदान गरिएकाले साकोसहरूमा सुशासन, जोखिम व्यवस्थापन र अनुगमन प्रणालीलाई अझ प्रभावकारी बनाउन मद्दत पुगेको छ । सहभागीहरूबीच अनुभव आदान–प्रदान हुने अवसर सिर्जना भई आपसी सहकार्य विस्तारमा समेत टेवा पुगेको छ । समग्रमा, यस प्रकारका कार्यक्रमहरूले सहकारी क्षेत्रलाई प्रतिस्पर्धी, पारदर्शी र सदस्य–मैत्री बनाउँदै दीर्घकालीन दिगोपनामा योगदान पु¥याउने सहभागीहरुले अपेक्षा गरेका छन् ।