धनुषा । वैष्णवी बचत तथा ऋण सहकारी संस्था लि. जनकपुरधाम, धनुषाको आयोजना र जर्मन स्पार्कसेन्स्टिफ्टुङ्ग (German Sparkassenstiftung) को सहयोग तथा नेपाल बचत तथा ऋण केन्द्रीय सहकारी संघ लि. (नेफ्स्कून) को प्राविधिक सहजीकरणमा पौष २५ र २६ गते दुई दिवसीय बचत खेल तालिम जनकपुरधाम,धनुषामा सम्पन्न भएको छ । 

तालिमको मुख्य उद्देश्य कर्मचारीहरुमा वित्तीय साक्षरता अभिवृद्धि गर्नुका साथै उनीहरुलाई व्यवहारिक रूपमा बचत र खर्च व्यवस्थापनका सिप बारे प्रशिक्षण गराई सदस्यहरुलाई सिप हस्तान्तरण गर्न सक्ने बनाउनु रहेको छ । 

प्राविधिक सहजीकरण नेफ्स्कूनका कार्यक्रम अधिकृत सुमनराज घिमिरे र राजन सुवेदीले गर्नुभएको तालिममा संचालक र कर्मचारी सहित २५ जना भन्दा बढीको सहभागिता रहेको थियो  ।