सुर्खेत । भेरीगंगा नगरपालिका–११, रामघाट, सुर्खेतमा अवस्थित शिखर बचत तथा ऋण सहकारी संस्था लिमिटेडले “सहकारी अभियानको वर्तमान अवस्था र हाम्रो भूमिका” विषयक अन्तरक्रिया माघ ५ गते सम्पन्न गरेको छ ।

संस्थाका अध्यक्ष भुपेन्द्र बहादुर सिंहको अध्यक्षता तथा नेफ्स्कूनका अध्यक्ष चन्द्र प्रसाद ढकालको प्रमुख आतिथ्यता र सदस्य सेवा कार्यालय प्रमुख चन्द्रदेव जोशीको आतिथ्यतामा कार्यक्रम सम्पन्न भएको थियो । 

अन्तरक्रियाको क्रममा नेफ्स्कूनका अध्यक्ष चन्द्र प्रसाद ढकालले सहकारी अभियानको वर्तमान अवस्थामा विश्लेषण गर्दै संस्थाको जगेडाकोष बलियो बनाउनुपर्नेमा जोड दिनुभएको थियो । साथै अहिलेको अवस्थामा हतास नभएर सहकारीताको भावना सहित आफ्नो सही मार्गमा सुरक्षीत रुपमा अगाडी बढ्नका लागि सुझाव दिनुभएको थियो । अन्तरक्रियाका क्रममा सहभागीहरुले सहकारी अभियानमा वर्तमान समयमा देखिएका तथा भोगेका समस्याका विषयमा प्रश्न तथ जिज्ञाशा राख्नुभएको थियो र नेफ्स्कूनका अध्यक्षले जवाफ दिनुभएको थियो ।

कार्यक्रममा संस्थाका सल्लाहकारहरु, संचालक समिति तथा लेखा सुपरिवेक्षण पदाधिकारी एवम् सदस्यहरु, विभिन्न उपसमितिका सदस्यहरु, संकलन केन्द्र व्यवस्थापन उपसमितिका सदस्यहरु, छाता संगठनका प्रतिनिधिहरु तथा कर्मचारीहरु सहित ३४ जनाको उपस्थिती रहेको थियो ।