पर्सा । नेपाल बचत तथा ऋण केन्द्रीय सहकारी संघ लिमिटेड (नेफ्स्कून) को पर्सा सदस्य सेवा कार्यालयको आयोजनामा “सहकारीमा सम्पत्ति शुद्धिकरण निवारण तालिम” बिरगंज , पर्सामा माघ ७ गते सम्पन्न भएको छ ।

नेफ्स्कून व्यवस्थापन उप समितिका सदस्य डिल्ली बिक्रम कार्कीको अध्यक्षतामा सम्पन्न तालिमको सहजीकरण नेफ्स्कूनका बरिस्ठ अधिकृत भरत प्रसाद न्यौपानेले गर्नुभएको थियो। तालिममा सम्पत्ति शुद्धिकरणका चरणहरू, सहकारीमा जोखिमका सम्भावित माध्यमहरू, नियन्त्रणका उपायहरू र त्यसको महत्त्व बारे जानकारि जिल्ला बचत संघ पर्सा का अध्यक्ष हरेराम प्रसाद साथै सि. एम.सि. पर्सा का अध्यक्ष चन्देश्वर प्रसाद चौरसियाले ब्यक्त गर्नुभयो  । 

सहकारी संस्थामा पारदर्शिता, सुशासन र वित्तीय अनुशासन कायम राख्न सम्पत्ति शुद्धिकरण निवारण तालिम आवश्यक रहेको छ। तालिमको मुख्य उद्देश्य सहकारीहरूमा अवैध धन भित्रिने सम्भावनाबारे चेतना अभिवृद्धि गर्नु, जोखिम व्यवस्थापनका उपायहरू सिकाउनु र सम्बन्धित कानुनी प्रावधानहरूको जानकारी सहजकर्ताले दिनुभएको थियो ।

सहजीकरणका क्रममा सम्पत्ति शुद्धिकरणको अर्थ, प्रक्रिया र सहकारी संस्था मार्फत कसरी अवैध सम्पत्ति भित्रिन सक्छ भन्ने विषयमा व्याख्या गरिएको थियोसा, साथै, अवैध क्रियाकलाप पहिचान गर्ने उपायहरू, सदस्यको पहिचान, संकास्पद कारोबारको रिपोर्टिङ प्रक्रिया र नियामक निकायहरूद्वारा तोकिएको मापदण्डहरूको जानकारी प्रदान गरेको थियो ।

नेपालको सम्पत्ति शुद्धिकरण निवारण ऐन, २०६४ अनुसार सहकारीहरू वित्तीय संस्था भएकाले ऐनको दायरामा पर्छन्। त्यसैले सम्पत्ति शुद्धिकरणको जोखिम न्यूनीकरण गर्न सहकारी सञ्चालक र कर्मचारीहरूलाई तालिम दिई सजग बनाउनु अत्यावश्यक मानिएको छ ।

बारा, पर्सा र रौतहट  जिल्लाका विभिन्न साकोसका अध्यक्ष, सचिव, कोषाध्यक्ष, व्यवस्थापक, ऋण अधिकृत तथा शाखा प्रमुखहरू गरी ५५ जनाको सहभागिता रहेको कार्यक्रमको सञ्चालन पर्सा सदस्य सेवा कार्यालय प्रमुख दिपेन्द्र साहले गर्नुभएको थियो भने  व्यवस्थापन लालु कुमार यादव र जनकपुर सदस्य सेवा बिभाग सहजकर्ता रामानन्द प्रसाद यादवले गर्नुभएको थियो ।