बागलुङ । नेपाल बचत तथा ऋण केन्द्रीय सहकारी संघ लि. (नेफ्स्कून) को आयोजना तथा बागलुङ जिल्ला बचत तथा ऋण सहकारी संघ लिमिटेडको सहकार्यमा नियमित निरीक्षण–अनुगमन (स्क्यान) सम्बन्धी अभिमुखीकरण कार्यक्रम बागलुङमा माघ ०९ गते सम्पन्न भएको छ । 

कार्यक्रममा नेफ्स्कून पोखरा सदस्य सेवा कार्यालयका प्रमुख सुरज चालिसेले संघले सञ्चालन गर्दै आएको वित्तीय सेवाका साथै विभिन्न तालिम कार्यक्रमहरूको विषयमा जानकारी गराउनुभएको थियो । त्यस्तै, नेफ्स्कूनका कार्यक्रम अधिकृत मनोज खड्काले नियमित निरीक्षण–अनुगमन कार्यक्रम अन्तर्गत सहकारी संस्थामा हुन सक्ने जोखिमका क्षेत्रहरूबारे स्पष्ट पार्दै स्क्यानका २५ वटा सूचकहरूलाई परिभाषित गरी ती सूचकहरूको आधारमा संस्थाको जोखिम स्तर मापन, निरीक्षण तथा सुझाव दिने व्यवस्था रहेको जानकारी गराउनुभएको थियो ।

कार्यक्रममा बागलुङ जिल्लाका १० भन्दा बढी प्रतिनिधिहरुको सहभागिता रहेको थियो ।