भक्तपुर  । बंगलामुखी बचत तथा ऋण सहकारी संस्था लि. नेफ्स्कूनको स्क्यान कार्यक्रममा फागुन १४ गते आबद्ध भएको छ । 

संघले बिगतमा एक्सेस,प्रोवेशन र जोखिममा आधारित साकोस बिकास कार्यक्रम (कर्ब्स) सञ्चालनमा ल्याई रहेकोमा हाल संघको ३८औं स्थापना दिवसको अवसरमा स्क्यान कार्यक्रमको थालनि गरेको हो । 
सहकारी ऐन, २०७४ (संशोधन समेत) को व्यवस्था बमोजीम संघद्धारा यो कार्यक्रमको सुरुवात भएको हो । 

नेफ्स्कूनको तर्फबाट कार्यक्रम अधिकृत सुमनराज घिमिरे र  सहजकर्ता  राजीब आचार्य दोस्रो पक्ष बाट साकोसका प्रमुख कार्यकारी अधिकृत जगतकृष्ण श्रेष्ठ  र बरिष्ठ अधिकृत राजकुमार श्रेष्ठको उपस्थिति रहेको थियो । संघका सहायक कार्यकारी अधिकृत सदस्य सेवा बिभाग प्रमुख दुर्गा प्रसाद ढकालको हस्ताक्षरमा सम्झौता भएको थियो । साकोसका प्रमुख कार्यकारी अधिकृत जगतकृष्ण श्रेष्ठले स्क्यान कार्यक्रममा नियमित निरीक्षणमा रहि सुचकहरुको पालना गरि साकोसलाई थप उचाईमा पुर्याउने विश्वास व्यक्त गर्नुभयको छ ।