काठमाडौं । विकू बचत तथा ऋण सहकारी संस्था लि. ले  प्रविधि साक्षरता तथा सदस्य सर्वेक्षण सम्बन्धी प्रशिक्षार्थी अभिमुखीकरण कार्यक्रम फागुन २८ गते सञ्चालन गरेको छ । 

संस्थाका सदस्यहरूको घरदैलोमा पुगेर प्रविधि साक्षरता अभिवृद्धि गर्ने तथा गुणस्तरीय सेवा प्रवाहलाई थप प्रविधिमैत्री र प्रभावकारी बनाउने उद्देश्यले कार्यक्रम आयोजना भएको साकोसका अध्यक्ष प्रेम प्रसाद सापकोटाले बताउनु भयको छ । 

कार्यक्रमको उद्घाटन संस्थाका अध्यक्ष प्रेम प्रसाद सापकोटाले गर्नुभएको थियो । कार्यक्रममा संस्थागत प्रस्तुतीकरण, प्रविधि प्रयोगसम्बन्धी जानकारी तथा सदस्य सर्वेक्षणको डेमो प्रस्तुति समेत गरिएको थियो ।

कार्यक्रमका क्रममा प्रमुख कार्यकारी अधिकृत माधव प्रसाद पौडेलले सर्वेक्षणमा संलग्न प्रशिक्षार्थीहरूको काम, कर्तव्य, जिम्मेवारी, भूमिका तथा सदस्यहरूसँग गर्ने व्यवहार सम्बन्धी विषयमा सहजीकरण गर्नुभएको थियो । 

कार्यक्रममा सञ्चालक समिति, पत्रकार, विभागीय प्रमुखहरू तथा ८१ जना प्रशिक्षार्थीहरूको सहभागिता रहेको थियो । संस्थाका अनुसार सदस्य सर्वेक्षण कार्यक्रम आगामी चैत्र ५ गतेदेखि ३० गतेसम्म सञ्चालन हुने जनाएको छ ।