काठमाडौं । GIZ नेपाल र नेफ्स्कून बिच भएको सम्झौता बमोजिम कार्यक्रम कार्यान्वयन सञ्चालित GRAPE-II SME LOOP  परियोजना अन्तर्गत उद्यमीलाई उद्योगी बनाउने विभिन्न चरणगत अभ्यासमा नेफ्स्कूनले यस वर्षदेखि व्यवसाय विकास सेवा कार्यक्रममा जोडदै गइरहेको छ । 

यस उद्यमी देखि उद्योगी निर्माण सम्मको सम्पूर्ण चरणमा GIZ, Country Office, Nepal मार्फत GFA ले प्राविधिक सहयोग गर्नेछ । यसै बिचमा यस कार्यक्रमको प्रभावकारी कार्यान्वयनमा दुई संस्था बिच संघको केन्द्रीय कार्यालयको हलमा कार्यान्वयनका लागि चैत्र ०३ गते छलफल भएको छ । 

यस छलफलमा नेफ्स्कूनका प्रमुख कार्यकारी अधिकृत डा. शिवजी सापकोटाबाट संघको आगामी मार्गदिशा र चरणगत अभ्यासको विषयमा छलफलमा जानकारी गराउनु भयो । यसैक्रममा नेफ्स्कूनबाट सञ्चालित व्यवसाय विकास सेवा कार्यक्रमको विषयमा नेफ्स्कूनका बरिष्ठ अधिकृत नविन राज दाहालले जानकारी गराउनु भयो । 

GIZ, Country Office, Nepal मार्फत GFA ले कार्यक्रममा प्राविधिक सहजीकरण GFA काठमाडौं कार्यालयका Team Leader रोशन श्रेष्ठ र GFA UK कार्यालयका Technical Expert Ms, Verni vijay ले जानकारी गराउनु भयो । यस छलफलमा डिएसआइके जर्मनीका नेपाल प्रतिनिधि Ms. Laura  बाट पनि हाल भएको कार्यक्रम विषयमा जानकारी गराउनु भयो । यस छलफल कार्यक्रममा नेफ्स्कूनबाट विभागीय प्रमुख दुर्गा प्रसाद ढकाल, अधिकृत रिता सुवेदी, लेखा अधिकृत मनकेशरी महर्जनको समेत सहभागी रहेको थियो ।