इलाम । नेफ्स्कून झापा सदस्य सेवा कार्यालयको आयोजना तथा बचत संघ इलामको समन्वयमा व्यवसाय प्रवद्र्धन वैठक तथा स्क्यान अभिमुखीकरण कार्यक्रम ठुलोटुडिखेल इलाम स्थित नारी विकासको सभाहलमा चैत्र ०८ गते सम्पन्न भएको छ । 

जिल्ला वचत संघका अध्यक्ष मन न्योैपानेको अध्यक्षता तथा नेफ्स्कूनका महासचिव घनश्याम अधिकारीको प्रमुख आतित्थ्यतामा सम्पन्न कार्यक्रममा साकोसका सञ्चालक र व्यवस्थापन प्रमुख गरि ३४ जनाको सहभागीता रहेको थियो । नेफ्स्कूनका व्यवसाय अधिकृत पवन घिमिरेले व्यवसाय सम्बन्धी स्तु तथा सेवाको विषयमा जसमा प्रकाशित वचत र ऋणका प्रकार सम्बन्धि विस्तृत व्याख्या, मिरा सफ्टवेयरका विषेशताहरु , स्टेशनरी , तालिम सेवाका विषयमा विस्तृत प्रस्तुतिकरण दिनुभएको थियो ।

कार्यक्रमको औचित्यता माथि प्रकाश पार्दै स्क्यान अभिमुखीकरण संघका वरिष्ठ अधिकृत भरत न्यौपानेले गर्नूभएको थियो । जिल्ला सहकारी संघका अध्यक्ष लिला थापाले इलाममा नेफ्स्कूनले गर्नुपर्ने भूमिकाका विषयमा आफ्नो धारणा राख्नुभएको थियो ।

संघका महासचिव घनश्याम अधिकारीले सहभागिहरुबाट उठाइएका विषयवस्तुहरुको सम्बोधन सहित इलामको साकोस अभियानलाई मार्गदर्शन प्रदान गर्नुभयो । आफ्ना भनाईहरु सहित  वचत संघ इलामका अध्यक्ष मन न्यौपानेले कार्यक्रमको समापन गर्नुभएको थियो ।