पोखरा । नेपाल बचत तथा ऋण केन्द्रीय सहकारी संघ लिमिटेड (नेफस्कून) को आयोजनामा प्रवर्द्धन तथा स्क्यान अभिमुखीकरण चैत्र ०८ गते सम्पन्न भएको छ । कार्यक्रमको अध्यक्षता नेफस्कून सञ्चालक कमला देवी गिरीले गर्नुभएको थियो ।

पोखरा सदस्य सेवा कार्यालय इन्चार्ज सूरज चालीसेले नेफस्कूनको व्यवसाय सम्बन्धी विषयमा सहजीकरण गर्नुभएको थियो । संघमा आबद्ध सदस्यहरुको वित्तीय एवम् सामाजीक सुरक्षाको प्रत्याभूतिका लागि साकोस सञ्चालनमा विद्यमान वित्तीय एवम् गैर वित्तीय जोखिमको पूर्वानुमान र व्यवस्थापन गर्नको लागि, स्क्यान कार्यक्रम ल्याएको र स्क्यानका सुचकहरुका बारेमा संघका कार्यक्रम अधिकृत मनोज खड्काले जानकारी गराउनु भएको थियो । 

कार्यक्रम सञ्चालन नेफ्स्कून पोखराका व्यवसाय सहायक सकीला लम्सालले गर्नुभएको थियो । साकोसका सञ्चालक र व्यवस्थापन प्रमुख गरि १० वटा साकोसबाट सहभागीता रहेको थियो । 

सहभागी संस्थाका प्रतिनिधिहरूले कार्यक्रम उपयोगी रहेको बताउँदै सहकारी संस्थाको व्यवसायिक क्षमता अभिवृद्धि तथा व्यवस्थापन सुधारमा सकारात्मक योगदान पुग्ने विश्वास व्यक्त गरेका छन् ।