पोखरा । हितैसि बचत तथा ऋण सहकारी संस्था लि. पोखरा १६, कास्कीको नेपाल बचत तथा ऋण केन्द्रीय सहकारी संघ लि. (नेफ्स्कून) को नियमित निरीक्षण तथा अनुगमन कार्यक्रम (स्क्यान) कार्यान्वयनका लागि चैत्र १८ गते सम्झौता भएको छ ।  

सम्झौता कार्यक्रममा सहकारी क्षेत्रको सुदृढीकरण, वित्तीय अनुशासन कायम गर्ने तथा सदस्यलाई प्रभावकारी सेवा प्रदान गर्ने विषयमा जोड दिएको थियो ।

सहकारी प्रणालीलाई थप मजबुत बनाउने, सेवाको गुणस्तर सुधार गर्ने तथा सदस्यको आर्थिक सशक्तीकरणमा योगदान पुर्‍याउने विश्वास हितैसि बचत तथा ऋण सहकारी संस्था लि. का व्यवस्थापक शान्ति अधिकारीले व्यक्त गर्नुभएको थियो ।

सम्झौताका क्रममा सहकारी क्षेत्रसँग सम्बन्धित विभिन्न पदाधिकारी तथा सरोकारवालाहरूको उपस्थिति रहेको थियो।