कास्की । नवसिद्धार्थ बचत तथा ऋण सहकारी संस्था लि. पोखरा महानगरपालिक ०९, नेफ्स्कूनद्धारा सञ्चालित नियमित निरीक्षण तथा अनुगमन (स्क्यान) कार्यक्रमको स्थलगत सुपरिवेक्षण बैशाख ३ गते सम्पन्न भएको छ ।

संघले सहकारी संस्थाहरुको पारदर्शिता, उत्तरदायित्व, सदस्यहितको सुनिश्चितता, जोखिम न्यूनीकरण र सुशासन तथा दिगोपनामा अभिबृद्धिका लागी सहकारी संस्थाहरुमा स्थलगत अनुगमन प्रभावकारी रुपमा अघि बढाएको हो  । 

संस्थाको स्तरीकरणका लागि  विभिन्न विषयहरु जस्तैः बचत, ऋण, ब्याजदर, बार्षिक योजना, सम्पत्ति शुद्धिकरण निवारण नितिको पालना, नियामकिय निकायहरुबाट दिएको निर्देशनको परिपालना, संस्थाको भाखा नाघेको ऋण असुली लगायत समग्र आर्थिक अवस्था र सहकारीले उपलब्ध गराएको सेवा सुविधाको बिषयमा सुपरिवेक्षण गरीएको थियो । 

नेफ्स्कूनका कार्यक्रम अधिकृत मनोज खड्का र अनुगमन सहजकर्ता दिप्ती आचार्यद्धारा स्थलगत सुपरिवेक्षणमा दिएको सुझाबलाई सुधारउन्मुख हुदै जाने प्रतिबद्धता व्यक्त भएको छ । साथै सदस्य संस्थालाई पोखरा सदस्य सेवा कार्यालयका प्रमुख सुरज चालिसेद्धारा संघका सेवाहरुको बिषयमा थप जानकारी गराउनु भएको थियो ।