श्री एकता प्रगतिशिल बचत तथा ऋण सहकारी संस्था लि. कैलालीको आयोजना तथा नेपाल बचत तथा ऋण सहकारी संघ लि. (नेफस्कून) को प्राविधिक सहजीकरण र जर्मन स्पार्कसेन्स्टिफ्टुङ्ग -German Sparkassenstiftung) को सहयोगमा कृषक व्यवसाय खेल तालिम कैलालीमा शुरु भएको छ ।

साकोसका सचिव रमेश बोगटीले ब्यानर पढेर तालिमको उद्घाटन गर्नुभएको थियो भने तालिम सञ्चालन साकोसका व्यवस्थापक लक्ष्मण बोगटीले गर्नुभएको छ । तालिममा साकोसका २५ जना कृषक सदस्यहरुको सहभागिता रहेको छ ।

वैशाख ०८ गतेदेखि १० गते तिन दिनसम्म सञ्चालन हुँने यस तालिमले साकोसका कृषि पेशामा संलग्न सदस्यहरुलाई कृषि पेशा व्यवसायबाट वास्तविक जीवनमा कृषिको व्यवसायिक वृद्धि विकासका लागि कसरी काम गर्नुपर्छ भन्ने विषय सम्बन्धि शैद्धान्तिक ज्ञानलाई व्यवहारसँग जोड्ने काम गर्नेछ ।

सिमुलेसन विधिको प्रयोग गरि खेलिने यस खेलबाट सदस्यहरुले निर्वाहमुखिबाट व्यवसायिक कृषिमा रुपान्तरण गर्ने त्ययकि को रुपमा रहेको छ । नेफस्कूनका कार्यक्रम अधिकृत पवन जंग मल्लले तालिमको सहजिकरण गर्नुभएको छ ।