कैलाली ।  नेपाल बचत तथा ऋण केन्द्रीय सहकारी संघ लिमिटेड (नेफ्स्कून) र लम्किचुवा नगरपालिका ०१, स्थित नवोदय बचत तथा ऋण सहकारी सस्थां लिमिटेड वीच नियमीत निरीक्षण तथा अनुगमन कार्यक्रम (स्क्यान) कार्यान्वयनका लागि सम्झौता बैशाख ०८ गते सम्पन्न भएको छ । 

सहकारी ऐन, २०७४ को व्यवस्थामा भएका दफा २५, ९९ र १०३ को कार्यान्वयन,  सहकारीका सात सिद्धान्तहरू ,वचत तथा ऋण सहकारीका चार सिद्धान्तहरू , पहिलो र दोस्रो पक्षको विनियमको व्यवस्था , पहिलो र दोस्रो पक्षका नीति तथा कार्यक्रमहरूको नीतिगत तथा सैद्धान्तिक वातावरणमा वचत तथा ऋण सहकारीहरूको प्रवद्र्धन पहिलो र दोस्रो पक्षको आपसि सहयोग भएकोले विद्यमान जोखिम पहिचान एवम् व्यवस्थापन गरी सहकारी वित्त क्षेत्रमा उपलव्ध भएका नविनतम प्रविधिहरू उपयोग मार्फत निरन्तर प्रवद्र्धन, विकास र संरक्षण गर्दै क्षेत्रगत स्थायित्व सुनिश्चित गर्न सहकारी मर्म वमोजिम स्वनियमनको अभ्यास प्रवद्र्धनका लागि यो सम्झौता गरी कार्यान्वयन गरिएको हो ।

साकोसका कोषाअध्यक्ष देवकि कार्की ,सचिव गोरख बहादुर बटाला र व्यवस्थापक नरेश बहादुर सुनार साथै नेफ्स्कूनका कैलाली सदस्य सेवा कार्यालय सहायक पुष्पराज तिमिल्सैनाको सहभागीतामा स्क्यान सम्झौता कार्यक्रम सम्पन्न भएको छ ।