मन्थली, रामेछाप । नेपाल बचत तथा ऋण केन्द्रीय सहकारी संघ लिमिटेड (नेफ्स्कून) ले सहकारी संस्थाहरूको जोखिम न्यूनीकरण, सुशासन तथा दिगोपनामा अभिवृद्धिका लागि अघि बढाएको ’स्क्यान’ कार्यक्रम अन्तर्गत रामेछाप जिल्ला मन्थली नगरपालिका १ मन्थली स्थित भूतपूर्व सैनिक बचत तथा ऋण सहकारी संस्था लिमिटेडको स्थलगत सुपरिवेक्षण वैशाख १४ गते सम्पन्न भएको छ ।

स्क्यान कार्यक्रममा आवद्ध रहेको यस संस्थाको स्तरीकरणका लागि नेफ्स्कूनद्वारा स्थलगत सुपरिवेक्षण गरिएको हो । सुपरिवेक्षणले संस्थाको समग्र आर्थिक तथा वित्तीय पक्षलाई जोड दिइएको थियो ।

स्थलगत सुपरिवेक्षण पश्चात् नेफ्स्कूनका कार्यक्रम अधिकृत सुमनराज घिमिरेले संस्थाको सञ्चालक समिति र व्यवस्थापन समक्ष सहजीकरण गरी छलफल गर्नुभएको थियो । संस्थाका अध्यक्ष टहल बहादुर कार्कीले संस्थालाई दिइएका सुझावहरु कार्यान्वयन गर्ने प्रतिवद्धता व्यक्त गर्नभयो । सोही छलफलबाट संस्थाको सुधार योजना तयार गरी कार्यान्वयन गर्ने प्रतिबद्धता संस्था पक्षबाट व्यक्त भएको छ ।