नवलपरासी  । नेपाल बचत तथा ऋण केन्द्रीय सहकारी संघ लिमिटेड (नेफ्स्कून) ले सहकारी संस्थाहरूको संस्थागत सुदृढीकरण, वित्तीय अनुशासन कायम, जोखिम न्यूनीकरण तथा सुशासन प्रवर्द्धन गर्ने उद्देश्यले सञ्चालन गर्दै आएको नियमित निरीक्षण तथा अनुगमन कार्यक्रम “स्क्यान” मा लुम्बिनी सुनवल बचत तथा ऋण सहकारी संस्था लिमिटेड जेठ १४ गते  आबद्ध भएको छ।

स्क्यान कार्यक्रम कार्यान्वयन सम्बन्धी सम्झौता कार्यक्रममा संस्थाका सञ्चालक समिति अध्यक्ष लेखनाथ खरेल, उपाध्यक्ष उमाकान्त उपाध्याय, उपाध्यक्ष हरी प्रसाद तिवारी, सचिव तारा आचार्य, कोषाध्यक्ष तिर्थराज उपाध्याय, व्यवस्थापक वद्री प्रसाद पौडेल लगायत सञ्चालक समिति सदस्य तथा उच्च व्यवस्थापनको सहभागिता रहेको थियो। 

नेफ्स्कूनका सहायक कार्यकारी अधिकृत दुर्गा प्रसाद ढकाल तथा कार्यक्रम अधिकृत प्रबिण अधिकारीको उपस्थिति रहेको कार्यक्रममा स्क्यान कार्यक्रम कार्यान्वयन सम्झौतामा संस्थाको तर्फबाट अध्यक्ष लेखनाथ खरेल र नेफ्स्कूनका सहायक कार्यकारी अधिकृत दुर्गा प्रसाद ढकालले हस्ताक्षर गर्नुभएको थियो।

सम्झौता हस्तान्तरणसँगै आयोजित अन्तरक्रिया कार्यक्रममा संस्थागत विकास, जोखिम व्यवस्थापन तथा सहकारी सुशासनका विविध पक्षहरूमा केन्द्रित छलफल सम्पन्न भएको थियो।