सर्लाही । सहकारी क्षेत्रमा सुशासन, पारदर्शिता र दिगोपन प्रर्बद्धन गर्ने उद्देश्यसहित नेपाल बचत तथा ऋण केन्द्रीय सहकारी संघ लिमिटेड (नेफ्स्कून) ले ग्रामिण बचत तथा ऋण सहकारी संस्था लिमिटेड सर्लाहीको दोस्रो स्थलगत सुपरिवेक्षण जेठ २५ गते सम्पन्न गरेको छ ।

नेफ्स्कूनको नियमित निरीक्षण तथा अनुगमन कार्यक्रम अन्तर्गत सम्पन्न सुपरिवेक्षणले संस्थाको वित्तीय अवस्था, आन्तरिक व्यवस्थापन तथा सदस्यमुखी सेवाको गुणस्तरलाई थप सुदृढ बनाउन महत्वपूर्ण योगदान पु¥याउने विश्वास गरिएको छ । सहकारीहरूलाई राज्य तथा नियामक निकायका नीति, निर्देशिका, मापदण्ड तथा कार्यविधिको प्रभावकारी कार्यान्वयनमा सक्षम बनाउने, सदस्यहरूको आर्थिक सशक्तीकरणलाई प्रोत्साहन गर्ने तथा बचतकर्तामा विश्वास अभिवृद्धि गर्ने उद्देश्यले यो कार्यक्रम सञ्चालन गरिएको हो ।

सुपरिवेक्षणका क्रममा संस्थाको शेयर व्यवस्थापन, बचत तथा ऋण परिचालन, सदस्यता प्रणाली, आन्तरिक सुशासन, लेखा प्रणाली, सूचना प्रविधिको प्रयोग, सुरक्षण व्यवस्था, सम्पत्ति शुद्धीकरण तथा आतंकवादी क्रियाकलापमा वित्तीय लगानी निवारण (AML/CFT) सम्बन्धी नीतिको कार्यान्वयन, साथै भाखा नाघेका ऋणको असुली अवस्थालगायत विभिन्न पक्षहरूको विस्तृत मूल्यांकन गरिएको थियो ।

कार्यक्रममा नेफ्स्कूनका कार्यक्रम अधिकृत महेश वरालको नेतृत्वमा सुपरिवेक्षण सम्पन्न भएको थियो । संस्थाका तर्फबाट सचिव, सञ्चालक सदस्यहरू, व्यवस्थापक तथा उच्च व्यवस्थापन तहका कर्मचारीहरूको सहभागिता रहेको थियो ।

नेफ्स्कूनले नियमित सुपरिवेक्षण मार्फत सहकारी संस्थाहरूमा सुशासन, वित्तीय अनुशासन र दिगो विकासको संस्कृतिलाई थप मजबुत बनाउँदै सदस्यहरूको हित संरक्षण तथा सहकारी अभियानप्रतिको जनविश्वास अभिवृद्धिमा टेवा पु¥याउँदै आएको छ ।