दोलखा । बैतेश्वर गाउँपालिका–३, खावा, दोलखा स्थित नवजनउत्थान बचत तथा ऋण सहकारी संस्था लि. मा नेपाल बचत तथा ऋण केन्द्रीय सहकारी संघ लि. (नेफ्स्कून) को स्क्यान कार्यक्रम अन्तर्गत दोस्रो स्थलगत सुपरीवेक्षण असार १० गते सम्पन्न भएको छ । 

सहकारी क्षेत्रको पारदर्शिता, उत्तरदायित्व तथा सदस्य हितको सुनिश्चितताका लागि सहकारी संस्थाहरूमा स्थलगत सुपरीवेक्षणलाई प्रभावकारी रूपमा अघि बढाइएको नेफ्स्कूनले जनाएको छ । सुपरीवेक्षणको मुख्य उद्देश्य बचत, ऋण, लेखापरीक्षण, लगानी तथा आर्थिक कारोबारको वास्तविक अवस्थाको मूल्यांकन गर्नु, सदस्यहरूले पाउनुपर्ने सेवा–सुविधाको समीक्षा गर्नु तथा संस्थाभित्र रहेका सम्भावित त्रुटि, आर्थिक जोखिम र व्यवस्थापकीय सुधारका क्षेत्र पहिचान गरी आवश्यक सुझाव प्रदान गर्नु रहेको छ ।

यसका साथै, भाखा नाघेका ऋणहरूको कानुनी प्रक्रियामा लैजाने विषय, संस्थाको निर्णय प्रक्रिया, नेतृत्वको पारदर्शिता, उत्तरदायित्व र सदस्य सहभागिताको मूल्यांकन तथा प्रविधिमा आधारित सदस्य सूचना प्रणालीको अधिकतम प्रयोगमार्फत जोखिम विश्लेषण गरी जोखिम न्यूनीकरणका उपायहरूको खोजी गर्नु पनि सुपरीवेक्षणको उद्देश्य रहेको थियो ।

नेफ्स्कूनका कार्यक्रम अधिकृत राजन सुबेदी को नेतृत्वमा सम्पन्न सुपरीवेक्षण कार्यक्रममा संस्थाका अध्यक्ष, व्यवस्थापक तथा कर्मचारीहरूको सहभागिता रहेको थियो । संस्थाको विनियम, नीति तथा आन्तरिक कार्यविधि, सम्पत्ति शुद्धीकरण निवारण नीति, नियामकीय निकायबाट प्राप्त निर्देशनहरूको परिपालना, भाखा नाघेको ऋण असुलीको अवस्था, पूँजी पर्याप्तता अनुपात (ऋबउष्तब िब्मभत्रगबअथ च्बतष्य) विश्लेषण लगायत संस्थाको समग्र वित्तीय अवस्था र सदस्यलाई उपलब्ध गराइएका सेवा–सुविधाका विषयमा विस्तृत छलफल गरिएको थियो ।

सुपरीवेक्षणका क्रममा प्राप्त सुझावहरूलाई आगामी सञ्चालक समितिको बैठकमा विस्तृत रूपमा छलफल गरी क्रमशः कार्यान्वयनमा लैजाने प्रतिबद्धता संस्थाको तर्फबाट व्यक्त गरिएको छ ।