म्याग्दी । म्याग्दी जिल्लाको बेनी नगरपालिका–४ स्थित न्यू धौलागिरि बचत तथा ऋण सहकारी संस्था लिमिटेडको आयोजना तथा नेपाल बचत तथा ऋण केन्द्रीय सहकारी संघ लि.को प्राविधिक सहयोगमा भदौ ०८ गतेदेखि १० गतेसम्म सञ्चालन भएको तीनदिने कृषक व्यवसाय खेल तालिम भदौ १० गते सम्पन्न भएको छ ।

तालिमको सहजीकरण नेफ्स्कून कार्यक्रम अधिकृत मनोज खड्का तथा पोखरा सदस्य सेवा कार्यालय प्रमुख सुरज चालिसेले गर्नुभएको थियो । कार्यक्रमको सञ्चालन तातोपानी सेवा केन्द्र प्रमुख नर बहादुर थापाले गर्नुभएको थियो भने स्वागत मन्तव्य सचिव चन्द्र कुमार के.सी. ले  गर्नुभएको थियो ।

तालिममा संस्थाका २९ जना शेयर सदस्यहरूको सहभागितामा सञ्चालित तालिममा संस्थाको तर्फबाट अध्यक्ष, उपाध्यक्ष, सचिव, सञ्चालक सदस्य तथा व्यवस्थापकको समेत उपस्थिति रहेको थियो ।
तीन दिनसम्म सञ्चालन भएको तालिममा सहभागीहरूले उत्साहपूर्ण सहभागिता जनाउँदै कृषि व्यवसायलाई अझ व्यवस्थित, व्यवसायमुखी र दिगो बनाउने विषयमा ज्ञान तथा सीप हासिल गरेको साथै तालिमबाट सिकेका ज्ञान, सीप र अभ्यासलाई आफ्नै कृषि व्यवसायमा प्रयोग गर्ने, आय–व्यय तथा हिसाब–किताबलाई व्यवस्थित रूपमा अभिलेखीकरण गर्ने तथा कृषि व्यवसायलाई योजनाबद्ध ढंगले सञ्चालन गर्ने प्रतिबद्धता व्यक्त गरेका थिए ।

समापन समारोहलाई सम्बोधन गर्दै संस्थाका उपाध्यक्ष रामजीप्रसाद सुवेदीले संस्थाले कृषि क्षेत्रमा प्रवाह गर्ने ऋणमा अन्य प्रकृतिका ऋणको तुलनामा आधार दर थप ०.५ देखि १ प्रतिशत भित्र ब्याजदर कायम गरि समूहको माध्यमबाट ऋण परिचालन गर्ने बताउुनभयो । प्रमुख व्यक्तित्वमा रहनुभएको संस्थाको अध्यक्ष अमृतलाल श्रेष्ठले यस्ता तालिमहरूले सदस्यहरूलाई उत्पादनमुखी कृषि व्यवसायतर्फ प्रेरित गर्नुका साथै आधुनिक व्यवस्थापन प्रणाली अपनाउन सहयोग पुग्ने विश्वास व्यक्त गर्नुभयो ।