बर्दिवास । बर्दिवास बचत तथा ऋण सहकारी संस्था लि= बर्दिवास, महोत्तरी को आयोजना तथा नेपाल बचत तथा ऋण केन्द्रीय सहकारी संघ लि= -नेफ्स्कून_ को प्राविधिक सहयोग र German Sparkassenstiftung for International Cooperation को सहयोगमा तीन दिने कृषक व्यवसाय खेल तालिम भाद्र ९ गते सम्पन्न भएको छ ।

भाद्र ७ देखि ९ गतेसम्म सञ्चालन भएको तालिम Learning By Doing खेल विधिमा आधारित कृषक व्यवसाय खेल तालिम सहकारीका कृषि पेशामा संलग्न सदस्यहरुलाई निर्वाहमुखिबाट व्यवसायिक कृषिमा रुपान्तरण गर्ने Tools को रुपमा रहेको थियो । सिमुलेसन विधिको प्रयोग गरि खेलिने यस खेलबाट सदस्यहरुले कृषि पेशा व्यवसायबाट वास्तविक जीवनमा कृषिको व्यवसायिक वृद्धि विकासका लागि कसरी काम गर्नुपर्छ भन्ने विषयमा सैद्धान्तिक ज्ञानलाई व्यवहारसँग जोड्ने काम गर्दछ ।

सहभागिहरुलाई ५ जना सहभागिको दरले ५ वटा समुह बनाई प्रशिक्षण गराइएको  थियो । तालिममा सहभागीहरूले अहिलेसम्मकै फरक, व्यवहारमुखी र प्रभावकारी तालिम रहेको उल्लेख गर्दै तालिमबाट प्राप्त सिकाइलाई आफ्नो दैनिक जीवन तथा कृषि व्यवसायमा व्यवहारिक रूपमा लागू गर्ने प्रतिबद्धता व्यक्त गरेका थियो ।

तालिमको उद्घाटन बर्दिवास साकोसका सचिव मदनकुमार ठकुरीले गर्नु भएको थियो भने समापन अध्यक्ष सन्तोषकुमार श्रेष्ठले गर्नु भएको थियो । २५ जना कृषक सदस्यहरुको सहभागीता रहेको तालिमको सहजीकरण नेफ्स्कूनका कार्यक्रम अधिकृत रामकृष्ण भट्टराई र महेश बरालले गर्नुभएको थियो । कार्यक्रम संचालन व्यवस्थापक रमेशबहादुर सिंहले गर्नु भएको थियो भने सम्पूर्ण व्यवस्थापन वेदकुमार अधिकारी लगायत कर्मचारहरुले गर्नु भएको थियो ।