क्वालालम्पुर । मलेसियाको राजधानी क्वालालम्पुरमा सम्पन्न एशियाली ऋण महासंघ (अकू) को ४५औँ साधारण सभाका अवसरमा आयोजित ACUES कार्यशालामा सहभागी सात देशका ३२ जनाले रसुवा बाढीपीडितका लागि आर्थिक सहयोग गरेका छन् ।

कार्यशालाका सहभागीहरूले संकलन गरेको सहयोग रकम नेफ्स्कूनका प्रमुख कार्यकारी अधिकृत डा. शिवजी सापकोटालाई RM 310 (Malaysian Currency) हस्तान्तरण गरेका थिए । सहभागीहरूले बाढीपीडितको राहत तथा पुनःस्थापनामा सहयोग पु¥याउने उद्देश्यले उक्त रकम प्रदान गरेका हुन् ।

डा. सापकोटा नेपाल फर्किएपछि प्राप्त सहयोग रकम नेपाली रुपैयाँ ११ हजार ४७० प्रधानमन्त्री दैवी प्रकोप उद्धार कोषमा भाद्र ३१ गते जम्मा गरिएको छ ।  अकूको साधारण सभासँगै आयोजित कार्यशालामा विभिन्न देशका सहकारी तथा वित्तीय क्षेत्रका प्रतिनिधिहरूको सहभागिता रहेको थियो ।