काठमाडौं । G-20 मा सहकारी संलग्नता सम्बन्धी हिजो आयोजित वेबिनार अत्यन्त सफल भएको आइसीए–एसिया प्यासिफिक (एपी) ले जनाएको छ ।  ४ सय भन्दा बढी विश्व सहकारी अभियानकर्मीहरु भर्चुअल छलफलमा सहभागी भएको कार्यक्रम निक्कै सफल भएको दाबी आइसीए (एपी) ले गरेको हो । हिजो अबेर भएको अभौतिक भेटमा आइसीए (यूरोप) का अध्यक्ष जीन लुइस ब्यान्सेलले वित्तीयसँगै सहकारी सदस्यका अन्य समस्याहरुतर्फ पनि ध्यान जानुपर्नेमा जोड दिनुभयो । स्वास्थ्य, आर्थिक पुनर्उत्थान, रोजगारी, सामाजिक असमानता लगायतका सामाजिक विषयहरुमा आगामी G-20 को बैठकमा छलफल हुनुपर्ने धारणा उहाँले राख्नुभयो ।

विजनेश काउन्सिल अफ कोअपरेटिभ्स् एण्ड म्युचुअलकी प्रमुख कार्यकारी मेलिना मोरिसनले कोभिड १९ शुरु भएयता सहकारीहरुले गरेका कामका बारेमा जी २० नेतृत्वलाई अवगत गराउनुपर्ने बताउनुभयो । यसैगरी, कार्यक्रममा विश्व प्रसिद्ध भारतको मल सहकारी इफ्कोका निर्देशक डा यु एस् अवस्थीले कोभिड पछिको जीडीपी भन्नाले खानाको उपलब्धता, स्वच्छ पानी, पहुँचयोग्य स्वास्थ्य सुविधाका साथै प्रविधिकरण हुनुपर्ने बताउनुभयो । सन् २०१४ देखि अन्तर्राष्ट्रिय सहकारी महासंघ ९आइसीए० र उसका सदस्यहरु न्(द्दण् संलग्नता समूहमा रहेर लगातार सहकारीका सम्बन्धमा छलफल चलाउँदै आएका छन् । विगतदेखि नै G-20 सम्मेलनमा सहकारी अभियन्ताहरुले साना तथा मझौला व्यवसाय, बेरोजगारी, शिक्षाका साथै G-20 सदस्य राष्ट्रहरुलाई सहकारी सम्बन्धी सुझाव तथा नीतिगत परिवर्तनका विषयमा ध्यानाकर्षण गराउँदै आएका छन् ।

विश्व आर्थिक मञ्च G-20 मा विश्वका २० धनी राष्ट्रहरुको प्रतिनिधित्व छ । यो समूहमा एशिया प्रशान्त क्षेत्रका अष्ट्रेलिया, चीन, भारत, इन्डोनेसिया जापान, कोरिया र साउदी अरेबियाको प्रतिनिधित्व छ । यस वर्षको न्(द्दण् सम्मेलन साउदी अरेबियाले आयोजना गर्दैछ भने २ वर्षपछि हुने अर्को सम्मेलन भारतले आयोजना गर्दैछ । G-20 को १५ औं बैठक आगामी नोभेम्बर २१–२२ सम्म साउदी अरेबियाको राजधानी रियादमा आयोजना गरिदैंछ । कुल १९ राष्ट्र, तिनका केन्द्रिय बैंकका गर्भनरहरु र युरोपेली संघ EU गरी २० वटाको समूह G-20 ले विश्व अर्थतन्त्रको ८० प्रतिशत हिस्सा ओगट्दछ ।

वेबिनारमा G-20 कार्यदलको बैठकमा सहभागी आइसीए सदस्य राष्ट्रका प्रतिनिधिहरुले सहकारीहरुले कसरी सक्रिया भूमिका खेल्न सक्छन् भन्ने विषयमा धारणा राखेका थिए । अभौतिक कार्यक्रममा भारत, अष्ट्रेलिया, फ्रान्स लगायतका देशका सहकारी अभियानकर्मीहरुले धारणा राख्नेका थिए । कोभिड–१९ को विश्वव्यापी महामारीले अर्थतन्त्रमा पारेको प्रभाव र सहकारीमार्फत उद्यमशीलता, रोजगारी, आन्तरिक पर्यटन, जलवायु परिवर्तन, लैङ्गिक समानता, लगायतका विश्वव्यापी मुद्दाहरुमा नयाँ सम्भावनाहरु छिचोल्ने विषयमा वेबिनारमा छलफल भएको बताइएको छ ।