काठमाडौं । नेफ्स्कूनको आयोजना एवम् अन्तर्राष्ट्रिय श्रम संगठनको नेपालस्थित कार्यालयको सहयोग एवं सामाजिक सुरक्षा कोषको प्राविधिक सहजिकरणमा लुम्बिनी प्रदेश र प्रदेश नं १ स्तरीय “योगदानमा आधारित सामाजिक सुरक्षा कार्यक्रम” गोष्ठी सम्पन्न भएका छन् । दुवै गोष्ठी भर्चुअल रुपमा सम्पन्न भएका हुन् । यसअघि यसै विषयको असोज २८ गते बुधवार प्रदेश नं १ स्तरीय गोष्ठी सम्पन्न भैसकेको छ ।

आज लुम्बिनी प्रदेशस्तरीय गोष्ठीको अध्यक्षता नेफ्स्कूनका बरिष्ठ उपाध्यक्ष चन्द्रप्रसाद ढकालले गर्नुभएको थियो भने स्वागत मन्तव्य महासचिव दामोदर अधिकारीले गर्नुभएको थियो भने सञ्चालक सदस्य सन्दिप सापकोटा पनि उपस्थित हुनुहुन्थ्यो । प्रदेश भित्रका विभिन्न सहकारीका गरी करिब १ सय जना सहभागी कार्यक्रमको सहजिकरण सामाजिक सुरक्षा कोषका प्रवक्ता एवम् उप कार्यकारी निर्देशक विवेक पन्थीले गर्नुभएको थियो भने कार्यक्रम सञ्चालन नेफ्स्कूनका बरिष्ठ अधिकृत दीपक प्रसाद ढुंगानाले गर्नुभएको थियो ।

यसअघि हिजो आयोजित प्रदेश नं २ स्तरीय भर्चुअल गोष्ठीमा नेफ्स्कूनकी उपाध्यक्ष शान्ति अधिकारीले स्वागत मन्तव्य राख्नुभएको थियो भने सञ्चालक हरेराम पटेलले कार्यक्रमको अध्यक्षता गर्नुभएको थियो । प्रदेश भित्रका विभिन्न सहकारीका गरी ७७ जनाको सहभागिता कार्यक्रमको सञ्चालन नेफ्स्कूनको सर्लाही फिल्ड कार्यालयका इन्चार्ज राजेन्द्र ढकालले गर्नुभएको थियो । कार्यक्रमको सहजिकरण सामाजिक सुरक्षा कोषका प्रवक्ता एवम् उप कार्यकारी निर्देशक विवेक पन्थीले गर्नुभएको थियो ।

हिजो र आजको कार्यक्रमका बक्ताहरुले योगदानमा आधारित सामाजिक सुरक्षा कोष श्रमिकको हितमा रहेको र त्यसमा रहेका कतिपय व्यवस्थाहरु श्रमिकको हित अनुकूल भएकाले सम्पूर्ण साकोसहरु सूचिकरण भई योगदान प्रारम्भ गर्नुपर्ने बताउनुभयो । सामाजिक सुरक्षा कोषले बिमा, उपदान, पेन्सन, लगायतका विषयमा कर्मचारीहरुको सक्रिय जीवनमा र तत्पश्चात समेत हितको सुरक्षण गरेको हुँदा सम्पूर्ण सहकारी संस्थाहरु यसमा सहभागी हुनुपर्ने उहाँले बताउनुभयो ।