भक्तपुर । एशियाली ऋण महासंघ र नेफ्स्कूनको प्राविधिक सहयोग एवम् भक्तपुरस्थित सिद्धिगणेश बचत तथा ऋण सहकारी संस्था लि. को आयोजनामा भक्तपुरमा मंसिर १९ र २० गते “लेखापालन, कानुनी व्यवस्था तथा बजारीकरण” तालिमक कार्यक्रम सञ्चालन गरिएको छ । एशियाली ऋण महासंघसँगको रणनीतिक सहकार्यमा सञ्चालित व्यवसाय विकास कार्यक्रम अन्तर्गत आयोजना गरिएको उक्त तालिममा सिद्धिगणेश साकोसका १० उद्यमी महिला सदस्यहरुको सक्रिय सहभागिता थियो । तालिममा उद्यम गरिसकेपछि लेखा राख्ने विधि, इकमर्श, बजारीकरणको अवस्था उपाय आदि विविध विषयमा आइएलओ सर्टिफाइड प्रशिक्षक निर्मल सिग्द्येल र नेफ्स्कनकी कार्यक्रम अधिकृत रीता सुवेदीेले सहजिकरणगर्नुभएको थियो । समापन समारोहका वक्ताहरुले तालिम अत्यन्त फलदायी भएको प्रतिक्रिया दिनुभएको थियो ।