बारा । प्रदेश नं २ को बारा जिल्लास्थित निजगढ नगरपालिकाले नेफ्स्कूनले सञ्चालन गर्ने आधारशिला कार्यक्रममा सबैभन्दा पहिले हातेमालो गर्ने प्रतिबद्धता जनाएको छ । नेफ्स्कूनले सञ्चालन गरेको उक्त कार्यक्रमले बचत तथा ऋण सहकारीहरुमा गुणस्तर सुनिश्चितता, सुशासन, कार्यालय व्यवस्थापन, संस्थागत उत्तरदायित्व र जवाफदेहिताजस्ता अति आवश्यक विषयलाई जोड दिएका कारण सबै पालिकामध्ये निजगढले पहिले कार्यक्रम लागू गर्ने नगरप्रमुख सुरेश कुमार खनालले बताउनुभयो । निजगढ नगरपालिकाले सहकारीलाई दिगो बनाउन कुनै कसर बाँकी नराख्ने उहाँको भनाई थियो ।

नेफ्स्कूनले स्थानीयत तहसँगको समन्वयमा सञ्चालन गर्ने नवीन कार्यक्रम आधारशिलाका सम्बन्धमा मंसिर १९ गते निजगढ नगरपालिकामा सम्पन्न कार्यक्रममा नगरप्रमुख खनालले आधारशिला कार्यक्रम अहिलेको आवश्यकता भएको बताउँदै नेफ्स्कूनले स्थानीयत तहसँगको समन्वयमा सञ्चालन गर्ने कार्यक्रमको प्रशंसा गर्दै सहकार्यको वचन दिनुभएको हो । कार्यक्रमको अध्यक्षता गर्नुभएकी नेप्mस्कूनकी उपाध्यक्ष शान्ति अधिकारीले आधारशिला कार्यक्रमले विशेष गरेर प्रदेश नं २ मा जोड दिएको चर्चा गर्नुभयो । यस्ता कार्यक्रमले प्रदेश नं. २ को सहकारीलाई दिगो बनाउन एकदम फाइदा पु¥याउने भनाई उपाध्यक्ष अधिकारीको थियो । 
कार्यक्रममा निजगढ नगारपालिकाका उपप्रमुख लिला खनाल, नेप्mस्कूनका महासचिव दामोदर अधिकारी, सञ्चालक सदस्य हरेराम प्रसाद, बारा जिल्ला बचत तथा ऋण सहकारी संघ लि.का अध्यक्ष सत्येन्द्र ठाकुर, बारा जिल्ला बचत तथा ऋण सहकारी संघका निवर्तमान अध्यक्ष तथा निजगढ नगरपालिकाका सहकारी संजालका संयोजक भोला गौतम, निजगढ नगरापालिका वडा नं. ८ का वडा अध्यक्ष टेक बहादुर लामा, निजगढ नगरपालिकाका सहकारी शाखा प्रमुख रविन घिमिरे, बारा जिल्ला बचत संघका उपाध्यक्ष गीता देवी जैसवाल, बारा जिल्ला बचत संघका कोषाध्यक्ष शोभा राउत सहित १३ जनाको सहभागीता रहेको थियो । आधारशिला कार्यक्रमको बारेमा नेफ्स्कूनका महासचिव दामोदर अधिकारीले गर्नुभएको प्रस्तुति पछि नगरपालिका एवम् जिल्लास्थित सहकारीकर्मीहरुले कार्यक्रम अहिलेको आवश्यकता भएको भन्दै सबैको साथ र सहकार्यमा यसको सफलता सम्भवन हुने विचार व्यक्त गर्नुभएको थियो । कार्यक्रममा भोला गौतम, सत्येन्द्र ठाकुरले मन्तव्य राख्दै नेप्mस्कूनका महासचिवको प्रस्तुतीकरणलाई सराहनिय भन्दै आधारशिला कार्यक्रम आजको आवश्यकता भएको मन्तव्यमा उल्लेख गर्नुभएको थियो । 
कार्यक्रमका अन्य वक्ताहरुले नेप्mस्कूनको आधारशिला कार्यक्रममा सहकारीहरुको लागि एकदमै सकारात्मक र सुधारात्मक कदम रहेको उल्लेख गर्नु भएको थियो । नेफ्स्कूनले आधारशिला अभिमुखीकरण कार्यक्रम हरिऔनमा पनि आयोजना गरेको थियो । निजगढको कार्यक्रम नेप्mस्कून पर्सा फिल्ड कार्यालय ईन्चार्ज बृजेश गुप्ताले सञ्चालन गर्नुभएको थियो ।