झापा । नेफ्स्कून फिल्ड कार्यालय झापाको आयोजनामा नेफ्स्कून सेवा तथा व्यवसाय अभिमुखीकरण कार्यक्रम शनिवार विर्तामोडमा सम्पन्न भएको छ । नेफ्स्कूनका कोषाध्यक्ष दिपक पनेरुले संघले विकास गरेका नविन कार्यक्रमहरुको बारेमा जानकारी गराउँदै सहकारी ऐन, २०७४ को संशोधन सम्बन्धमा उठेका सवाल, ऐनले तोकेको स्थिरीकरण कोष सञ्चालन, कर्जा सूचना केन्द्र लगायतका विविध विषयहरु सम्बन्धमा जानकारी सहित सहभागीहरुबाट उठेका जिज्ञासाहरुको सम्बोधन गर्नुभएको थियो । 

सेवा तथा व्यवसाय सम्बन्धी प्रस्तुुतीकरण सहित कार्यक्रम सञ्चालन  नेफ्स्कूनका अन्तरलगानी अधिकृत मनोज बुढाथोकीले गर्नुभएको थियो । अभिमुखीकरण कार्यक्रममा विभिन्न ११ बचत तथा ऋण सहकारी संस्थाबाट गरी १७ जना साकोस प्रतिनिधिहरुको सहभागिता रहेको थियो । कार्यक्रम व्यवस्थापन सहजीकरण झापा फिल्ड कार्यालय इन्चार्ज सोमनाथ दहालले गर्नुभएको थियो ।