चितवन । जिल्लाको रत्ननगर–६ स्थित बछौली नारी चेतना बचत तथा ऋण सहकारी संस्था लि.नेफ्स्कूनको गुणस्तर सुनिश्चितता प्रमाणीकरण सम्बन्धी कार्यक्रम प्रोबेशनमा आबद्ध भएको छ । यस सम्बन्धमा नेफ्स्कून र बछौली नारी चेतना महिला साकोसबीच मसिंर २८ गते औपचारिक सम्झौता भएको हो ।

कार्यक्रममा संस्थाका अध्यक्ष बबिता चौधरी, नेफ्स्कून उपाध्यक्ष शान्ति अधिकारी, चितवन फिल्ड व्यवस्थापन उपसमिति सदस्य गोपाल प्रसाद गौतम, साकोस उपाध्यक्ष भागीरथी घिमीरे लगायत सम्पुर्ण सचांलक समिति , लेखा सुपरीवेक्षण समिति, व्यवस्थापक शारदा विडारी, नेफ्स्कून चितवन फिल्ड कार्यालय इन्चार्ज यमकला सुवेदी र कार्यक्रम अधिकृत सुरज चालिसे लगायतको उपस्थिति थियो । नेफ्स्कुनकी उपाध्यक्ष शान्ति अधिकारीले साकोस राम्रो रहेको र कर्ब्स बाट प्रोबेशन कार्यक्रममा सहभागी हुँदै आगामी दिनमा एक्सेसे् ब्राण्डमा स्तारोन्नति हुनुपर्ने बताउनुभयो । बछौली नारी चेतना साकोसकी अध्यक्ष बबिता चौधरीले  प्रोबेशन कार्यक्रममा सहभागिताले संस्थाको वित्तीय सुशासन, व्यवस्थापन एवम् वृद्धिमा उल्लेख्य भूमिका खेल्ने दाबी गर्नुभयो । उहाँले बचत तथा ऋण सहकारी संस्थाहरु नेफ्स्कूनको गुणस्तर सुनिश्चितताका कार्यक्रमहरुमा आबद्ध हुँदा नीति, विधि र प्रविधि सुधारमा निक्कै सहयोगी भएको देखेर  पनि प्रोबेशनमा सहभागी भएको बताउनुभयो ।