ललितपुर । नेफ्स्कून फिल्ड व्यवस्थापन उप समिति ललितपुरको बैठक  मंसिर २९ गते सोमबार सम्पन्न भएको छ । बैठकको अध्यक्षता संघका कोषाध्यक्ष तथा फिल्ड व्यवस्थापन उप समिति ललितपुरका संयोजक दिपक पनेरुले गर्नुभएको थियो । बैठकमा उप समितिका सदस्यहरु नेफ्स्कूनका निवर्तमान सञ्चालक नानीकाजी शाक्य, विभुषण शाक्य, करुणारत्न बज्राचार्य, देवी श्रेष्ठ र विष्णु प्रसाद हुमागाईको  समेत उपस्थिति थियो ।
बैठकमा फिल्ड कार्यालय ललितपुरको अवस्था, आगामी दिनमा सञ्चालन गर्ने कार्यक्रमहरु तथा समसामयिक विषयहरुमा छलफल भएको थियो । संघको फिल्ड कार्यालय ललितपुरको अवस्था, चालु आर्थिक वर्षको लक्ष्य, हाल सम्मको उपलब्धि तथा कार्य योजनाका सम्बन्धमा फिल्ड कार्यालय इन्चार्ज दिनेश गौतमले प्रस्तुति गर्नुभएको थियो । आगामी पौष महिनामा सञ्चालन गर्ने विविध कार्यक्रमका बारेमा समेत छलफल गर्दै जिम्मेवारी समेत तोक्ने निर्णय सहित सम्पन्न भएको थियो ।