एजेन्सी । भारतभरका सहकारीहरुको शीर्ष निकाय National Cooperative Union of India (NCUI)  का अध्यक्ष दिलीप सांघाणीलाई कोरोना संक्रमण भएको छ । उहाँले ट्वीट मार्फत आफुलाई कोरोना पोजेटिभ देखिएको पुष्टि गर्नुभएको हो । उहाँले आज ट्वीद गर्दै भन्नुभएको छ,, ‘म र मेरी पत्नी दुबै जनामा कोरोना संक्रमण पुष्टि भएको छ । स्वास्थय ठीक भएपनि केही दिन यता सम्पर्कमा आएकाहरुलाई कोरोना परिक्षण गराउन अनुरोध गर्दछु ।’

अनुभवी सहकारी अभियन्ताको छवि बनाउन सफल सांघाणी Indian Farmers Fertilizer Cooperative Limited इफ्कोको पनि उपाध्यक्ष हुनुहुन्छ । गत महिना अर्थात्  नोभेम्बर २३ मा भएको NCUI को निर्वाचनबाट सांघाणी अध्यक्ष निर्वाचित हुनुभएको थियो । सन् १९२९ मा स्थापित NCUI को मुख्य कार्यालय नयाँ दिल्लीमा अवस्थित छ भने यसमा देशभरका विभिन्न विषयगत सहकारीहरु गरी २ सय ६२ सदस्य छन् ।