सिन्धुली। नेपाल बचत तथा ऋण केन्द्रीय सहकारी संघ लिमिटेड र बागमती प्रदेशको सिन्धुलीजिल्ला स्थित फिक्कल गाउँपालिकाबीच नेफ्स्कूनद्वारा सञ्चालित आधारशिला कार्यक्रम कार्यान्वयन सम्झौता भएको छ । आज गाउँपालिकाको कार्यालयमा सम्पन्न सम्झौता कार्यक्रममा गाउँपालिका अध्यक्ष धन बहादुर कार्की र नेफ्स्कूनका बरिष्ठ अधिकृत नविन राज दाहालले हस्ताक्षर गर्नुभएको छ ।

यस कार्यक्रमको कार्यान्वयन नेफ्स्कूनले गर्नेछ । कार्यक्रममा नगरपालिकाका प्रमुख प्रशासकीयअधिकृत राजुप्रसाद न्यौपाने, जिल्ला बचत संघका अध्यक्ष बिमला गोयल, नेफ्स्कून सर्लाही फिल्ड कार्यालयका इन्चार्ज राजेन्द्र ढकाल लगायतको उपस्थिति थियो । 

नेफ्स्कूनले स्थानीय निकायसँगको साझेदारी एवम् बहुपक्षीय सहभागितामा आधारशिला कार्यक्रम सञ्चालन गर्ने घोषणा आफ्नो ३३ औं स्थापना दिवसको अवसरमा २०७६ साल साउन ३२ गते गरेको थियो । सोही अनुरुप हाल विभिन्न स्थानीय निकायहरुसँग उक्त कार्यक्रम कार्यान्वयनको सम्झौता भएको हो ।