प्यूठान । नेपाल बचत तथा ऋण केन्द्रीय सहकारी संघ लि (नेफ्स्कून) र बचत तथा ऋण सहकारी संघ लि., प्यूठान बीच जिल्ला संघ साझेदारी सम्झौता सम्पन्न भएको छ । जिल्ला संघ सबलीकरण कार्यक्रम अन्तर्गत आज साझेदारी कार्यक्रममा सम्झौता भएको हो । बचत तथा ऋण सहकारी संघ लि प्यूठानको आठौं वार्षिक साधारणसभाको अवसरमा नेफ्स्कूनका महासचिव दामोदर अधिकारी र जिल्ला बचत संघका अध्यक्ष भोज बहादुर बस्नेतले सम्झौता पत्रमा हस्ताक्षर गर्नु भएको हो । यो सँगै अब प्युठान जिल्लामा रहेका  बचत तथा ऋण सहकारी संस्थाहरुको व्यावसायिक बिकास र स्तरिकरणमा नेफ्स्कून र जिल्ला बचत संघ बीच भएको समझदारी बमोजिम तालिम संचालन गरी व्यवसाय बिस्तारका साथै  स्तरीकरण कार्यक्रम र प्रविधि विकासमा जोड दिइनेछ । 

जिल्ला बचत संघ प्यूठानका अध्यक्ष भोज बहादुर बस्नेतको अध्यक्षता एबम् नेफ्स्कुनका महासचिव दामोदर अधिकारीको प्रमुख आतिथ्यतामा सप्पन्न संघ को आठौं वार्षिक साधारणसभामा जिल्ला संघ सचिवले प्रगति प्रतिवेदन र कोषाध्यक्ष निरज सुवेदीले आर्थिक प्रतिवेदन प्रस्तुत गर्नु भएको थियो ।

कार्यक्रममा बोल्दै प्रमुख अतिथि नेफ्स्कून महासचिव अधिकारीले साकोसहरुमा वित्तीय अनुशासन कायम हुनुपर्ने र व्यावसायिक रुपमा सफल र स्तरीकृत साकोस बन्नुपर्नेमा जोड दिनुभयो । त्यसका लागि लागि जिल्ला संघले अहम भूमिका खेल्नु पर्ने बताउनु भयो । नेफ्स्कून जिल्ला संघ साझेदारी कार्यक्रममा सहभागी भएकोमा बधाई दिदैं अब प्यूठान जिल्लाको साकोस अभियानले नयाँ गति लिने र नेफस्कूनले हर प्रकारको सहयोग गर्ने प्रतिबद्धता व्यक्त गर्नुभयो । 

कार्यक्रममा साकोसको तर्फबाट बिकास के सि, पवित्रा जि सि , जिल्ला सहकारी संघ का अध्यक्ष बिष्णु योगी, संघ का निबर्तमान अध्यक्ष ॐ भक्त पण्डित फुलवारी साकोसका व्यवस्थापक प्रकाश बैद्य लगायतले जिल्ला संघ नेफ्स्कून साझेदारी कार्यक्रमको लागि शुभकामना व्यक्त गर्नु भएको थियो ।

संघका संचालक केशवराज भण्डारीले सहजीकरण गर्नु भएको कार्यक्रमको ब्यवस्थापन नेफस्कूनका तालिम अधिकृत उमेश कोइरालाले गर्नु भएको थियो । संघका उपाध्यक्ष माया गिरीको स्वागत मन्तब्य बाट सुरु भएको कार्यक्रममा नेफ्स्कून दाङ शाखा प्रमुख बेद प्रसाद भट्टराईले साझेदारी कार्यक्रम सम्बन्धी प्रस्तुति गर्नुभएको थियो ।