धनगढी । कैलालीको धनगढीस्थित कल्गी बचत तथा ऋण सहकारी संस्था लि. को आयोजना एवम् नेपाल बचत तथा ऋण केन्द्रीय सहकारी संघ लि. (नेफ्स्कून) को प्राविधिक सहयोगमा २ दिने रणनीतिक व्यावसायिक योजना निर्माण कार्यशाला गोष्ठी आज सम्पन्न भएको छ ।  

नेफ्स्कून तालिम केन्द्रका प्राचार्य गणेशप्रसाद तिमल्सिना र कञ्चनपुर फिल्ड कार्यालय कञ्चनपुरका प्रमुख बिष्णु जोशीको प्रशिक्षणमा पुस २४ र २५ गते सञ्चालित कार्यशाला गोष्ठीमा रणनीतिक व्यावसायिक योजनाको महत्व, योजना निर्माणको प्रक्रिया, तौरतरिकाका आदि विषयमा व्यावहारिक र उदाहरण सहितको प्रशिक्षण गरिएको थियो । संस्थाबाट सहभागीहरुलाई कसरी महत्वाकांक्षी नबनी वस्तुगत आधारहरुको बिशिष्ट विश्लेषण सहित योजना निर्माण गर्ने, योजना निर्माण गर्दा संस्थाको अबाकस बिश्लेषण कसरी गर्ने सम्बन्धमा निक्कै प्रभावकारी रुपमा प्रशिक्षित गरिएको प्रतिक्रिया प्राप्त भएको छ । सहभागीहरुले यस प्रकारको मौका र प्राविधिक सहयोग एवम् सहजिकरणका लागि नेफ्स्कूनलाई बिशेष धन्यवाद समेत दिएका छन् ।

उनीहरुले यो प्रशिक्षण अवसरबाट प्राप्त उर्जाले संस्थालाई थप सबल बनाउन सहयोग पुर्याउने धारणा राखेका छन् ।