काठमाडौं । काठमाडौं जिल्लाको कागेश्वरी मनोहरा नगरपालिका स्थित मंगल ज्योति बचत तथा ऋण सहकारी संस्थाको कार्यालय आज सोही नगरपालिकाका नगर प्रमुख कृष्ण हरि थापा र नेफ्स्कूनका कोषाध्यक्ष दिपक पनेरुले संयुक्त रुपमा उद्घाटन गर्नु भएको छ । विगत दश वर्ष देखि उक्त साकोस कागेश्वरी मनोहरा नगरपालिकालाई  कार्यक्षेत्र बनाउदै संचालित छ । कार्यालयको उद्घाटन गर्नु हुदै नगर प्रमुख थापाले संस्थाले गर्ने ऋण लगानी सुरक्षित र विश्वासनिय हुनु पर्नेमा जोड दिनु पर्ने बताउनु भयो ।

नेफ्स्कूनका कोषध्यक्ष दिपक पनेरुले सदस्य मैत्री संस्थालाई नेफ्स्कूनले संस्थाको संस्थागत विकासमा आवश्यक सम्पूर्ण सहयोगहरु प्रदान गर्ने प्रतिवद्धता सहित संस्थाको वृद्धि विकास र सफलताको शुभकामना व्यक्त गर्नुभयो ।कार्यक्रममा सोही वडाका वडा अध्यक्ष कुन्दन खड्का सहित संस्थाका संचालक समिति, लेखा तथा सुपरिवेक्षण समिति लगाएत शेयर सदस्यहरुको उपस्थिति रहेको थियो ।