सिन्धुली । जिल्लाको कमलामाई नगरपालिकासँग आधारशिला कार्यक्रम कार्यान्वयन सम्झौता भएको छ । फागनु २० गते उक्त कार्यक्रम नगरपालिकाको कार्यलयमा एक समारोहबीच सम्पन्न भएको हो । कार्यक्रममा नेफ्स्कूनका संचालक सदस्य जिवसराज खड्का र बरिष्ठ अधिकृत नविनराज दहालले हस्ताक्षर गर्नुभएको थियो भने नगरपालिकाको तर्फ बाट कमलामाई नगरपालिकाका नगर प्रमुख खड्क बहादुर खत्री र प्रमुख प्रशासकिय अधिकृत विशेकसेन ढकालले हस्ताक्षर गर्नुभएको थियो । कार्यक्रममा नगर प्रमुख खत्रीले आधारशिला कार्यक्रमलाई प्रभावकारी वनाउन नगरपालिकाले आवश्यक समन्वय र सहयोग गर्ने  धारणा राख्नुभएको थियो । कार्यक्रमका विषयमा केही समय अघि नै अभिमुखीकरण कार्यक्रम समेत सम्पन्न भइसकेको थियो । आधारशिला कार्यक्रम नेफ्स्कूनले स्थानीय निकायसँगको समन्वयमा सञ्चालन गर्ने नवीन कार्यक्रम हो । यसमार्फत सहकारी संस्थाहरुमा सुशासन र गुणस्तरीयता प्रवर्धन गर्ने लक्ष्य लिइएको छ ।