म्याग्दी । बेनी स्थित न्यू धौलागिरी बचत तथा ऋण सहकारी संस्था लि.नेफ्स्कूनको गुणस्तर सुनिश्चितता सम्बन्धी राष्ट्रिय कार्यक्रम प्रोबेशनमा आबद्ध भएको छ । यस सम्बन्धमा नेफ्स्कून र न्यू धौलागिरी साकोसबीच हिजो (साउन २६) गते औपचारिक सम्झौता भएको हो । 

उक्त कार्यक्रममा संस्थाका अध्यक्ष लिला बहादुर बानियाँ, उपाध्यक्ष अमृतलाल श्रेष्ठ, सचिव रामजी प्रसाद सुवेदी, कोषाध्यक्ष चन्द्र कुमार के.सी., प्ररिष्ठ प्रबन्धक कुमार श्रेष्ठ, प्रबन्धक हरी प्रसाद पौडेल र नेफ्स्कूनको तर्फबाट पोखरा फिल्ड कार्यालय इन्चार्ज यमकला पौडेल रहनुभएको थियो । 

५ हजार भन्दा बढी सदस्यहरु माझ वित्तीय पहुँच पुर्याउँदै आएको समुदायमा सञ्चालित न्यू धौलागिरी साकोसको करिब ९४ करोडको वासलात रहेको अध्यक्ष लिला बहादुर बानियाँले जानकारी गराउनुभयो ।