भक्तपुर । जिल्लाको सूर्यविनायक नगरपालिका वडा नं. ४, दधिकोटस्थित अमरज्योति बचत तथा ऋण सहकारी संस्था लि. ले १३ औँ स्थापना दिवसको अवसरमा रक्तदान कार्यक्रमको आयोजना गरेको छ । सहकारीको सामाजिक उत्तरदायित्वपूर्ण क्रियाकलाप अन्तर्गत साउन २३ गते शनिवार आयोजित  रक्तदान कार्यक्रमको उद्घाटन कार्यक्रमका प्रमुख अतिथि सूर्यविनायक नगरपालिका वडा नं. ४ का अध्यक्ष उत्तम थापाले गर्नुभएको थियो । कार्यक्रमको उद्घाटन गर्दै प्रमुख अतिथि थापाले महामारीको कारण रगतको अभाव भइरहेको अहिलेको परिस्थितिमा अमरज्योति सहकारीले रक्तदान कार्यक्रमको आयोजना गरेर पुण्यको काम गरेको बताउनुभयो । 

प्रमुख अतिथि थापाले सहकारी संस्था समाजको अभिन्न अंग भएको र अमरज्योतिले सहकारी गतिविधिसँगै सामाजिक सेवामा समेत महत्वपूर्ण योगदान पु¥याउँदै आइरहेकोमा धन्यवाद दिँदै अमरज्योति सहकारीको उत्तरोत्तर प्रगतिको कामना गर्नुभयो । उहाँले रक्तदाताहरुलाई हौसला प्रदान गर्दै रक्तदान गर्नु जीवनको सबैभन्दा ठूलो धर्ममात्र नभई बेलाबेलामा रक्तदान गर्दा मानिसको शरीर स्वस्थ तथा फुर्तिलो हुने बताउनुभयो ।

अमरज्योति सहकारीको विधिवत् स्थापना मिति २०६६ साउन १३ गते भएकोले  संस्था स्थापना दिवसको अवसर पारेर रक्तदाताको सुविधाका लागि शनिबार रक्तदान कार्यक्रम सञ्चालन गरिएको अमरज्योति सहकारीका अध्यक्ष दामोदर न्यौपानेले जानकारी गराउनुभयो ।