काठमाडौं । बागमती प्रदेश सरकारको आज बसेको मन्त्रीस्तरीय बैठकले बागमती प्रदेश सहकारी विकास बोर्डमा तीन सदस्य मनोनयन गरेको छ । नेपाल बचत तथा ऋण केन्द्रीय सहकारी संघ लि. नेफ्स्कून की  उपाध्यक्ष शान्ती अधिकारी, धादिङ जिल्ला बचत संघकी उपाध्यक्ष सीता दुवाडी र सहकारीकर्मी गोविन्द दुलाललाई मनोनित गरेको बागमती प्रदेश सहकारी विभागका रजिष्ट्रार विक्रम पाण्डेले जानकारी गराउनुभयो । सहकारी क्षेत्रको विकास र प्रवर्धन साथै सहकारी क्षेत्र सँग सम्बन्धित सम्पूर्ण काम कारबाहि अगाडि बढाउने उद्देश्यसहित बोर्ड गठनको प्रक्रिया सुरु भएको र आजै चितवन, धादिङ र दोलखाका सहकारीकर्मीहरुलाई सदस्यमा मनोनयन गरिएको उहाँले बताउनुभयो ।  

सहकारी विकास बोर्डमा भूमि व्यवस्था, कृषि तथा सहकारी मन्त्री अध्यक्ष, एक कार्यकारी उपाध्यक्ष, दुई महिला सदस्य सहित एक पुरुष सदस्य गरी ५ सदस्यीय बोर्ड गठनको व्यवस्था छ । मकवानपुरको हेटौडामा सहकारी विकास बोर्डको कार्यालय समेत स्थापना भइसकेको रजिष्ट्रार पाण्डेले जानकारी गराउनुभयो ।