काठमाडौं । सहकारी विभागका रजिष्ट्रार झलकराम अधिकारीले आजबाट पदबहाली गर्नुभएको छ । सुदरपश्चिम प्रदेशको आर्थिक मामिला मन्त्रालयका सचिव अधिकारीको केही दिनअघि संघीय सहकारी विभागमा सरुवा भएको हो । आज विभागमा उहाँलाई कर्मचारीहरुले स्वागत गरेका थिए भने स्वागत तथा पदबहाली कार्यक्रमपछि रजिष्ट्रार अधिकारीले संक्षिप्त निर्देशन समेत दिनुभएको छ ।

अधिकारीले आजबाट सहकारी विभागको रजिष्ट्रार रुपमा कार्य सुरु गर्नुभएको जानकारी सामाजिक सञ्जालबाट गराउँदै ‘सहकारी क्षेत्रलाई कसरी कुशल व्यवस्थापन गर्न सकिन्छ होला सुझावको अपेक्षा गर्दछु’ भनी उल्लेख गर्नुभएको छ । कुशल प्रशासकका रुपमा परिचित उहाँले विगतमा अर्थ मन्त्रालय अन्तर्गतको सार्वजनिक वित्त व्यवस्थापन तालिम केन्द, पोखरा उपमहानगरपालिकाको प्रमुख कार्यकारी अधिकृत लगायतका जिम्मेवारी बहन गरिसक्नुभएको छ । कास्कीको अन्नपूर्ण गाउँपालिकाका अधिकारीले निजामती सेवा तथा सार्वजनिक प्रशासनसम्बन्धी पुस्तकहरु पनि प्रकाशित गर्नुभएको छ । उहाँका पत्नी, दुई छोरी र एक छोरा हुनुुहुन्छ ।