चन्द्रनिगाहपुर ,रौतहट । चन्द्रपुर ५, रौतहटस्थित संकल्प साकोसको संस्थागत बिकास तालिम सम्पन्न भएको छ । तालिम यही कार्तिक २३ देखि २५ गतेसम्म चितवनको सौराहामा आयोजना गरिएको थियो । तालिम उद्घाटन प्रमुख अतिथि नेफ्स्कूनकी उपाध्यक्ष शान्ति अधिकारीले गर्नुभएको थियो । उद्घाटन कार्यक्रममा बोल्दै प्रमुख अतिथि अधिकारीले सहकारीमा सुशासन ,संचालकहरुको दायित्व तथा भूमिका, व्यावसायिक रणनीति योजनाको निर्माण जस्ता पक्षमा प्रकाश पार्दै सहभागीहरुलाइ हौसला प्रदान गर्नु भएको थियो ।तालिमको सहजीकरण नेफ्स्कूनका तालिम बिभाग प्रमुख गणेश तिमल्सिना तथा तालिम अधिकृत बिदुर खड्काले गर्नु भएको थियो । तालिममा बर्तमान तथा निबर्तमान संचालक ,लेखा तथा सुपरिवेक्षण समिति,सल्लाहकार समिति ,कर्मचारी तथा विभिन्न उपसमितिका  ३० जना सदस्यहरुको सहभागिता रहेको थियो ।