लेटाङ । नेफ्स्कूनको आयोजना तथा इटहरी फिल्ड कार्यालयको सहयोगमा मोरङको लेटाङमा ३ दिवसीय ‘व्यवस्थापकहरुको क्षमता अभिवृद्धि तालिम (CUMCE)’ सुरु भएको छ । नेफ्स्कूनकी सञ्चालक गोमा नेपालले सभाध्यक्षको रुपमा तालिमको उद्घाटन गर्नुभएको छ । उद्घाटन सत्रमा बोल्दै नेफ्स्कून सञ्चालक नेपालले गुणस्तरीय संस्था सञ्चालनको लागि तालिम उपयोगी हुने विश्वास व्यक्त गर्दै तालिममा सिकेका कुराहरुलाई संस्थामा लागू गर्न आग्रह गर्नुभयो । सहजकर्ता एवम् अतिथि नेफ्स्कूनका बरिष्ठ अधिकृत बल्लभ तिमिल्सिनाले स्वागतसँगै तालिमको औचित्यबारे धारणा राख्नुभएको थियो । तालिममा ३१ वटा बचत तथा ऋण सहकारी संस्थाका ३२ जनाको सहभागिता रहेको छ । तालिम सहजीकरण तिमिल्सिना र संघका अर्का बरिष्ठ अधिकृत भरत न्यौपानेले गर्नुभएको नेफ्स्कूनको झापा फिल्ड कार्यालयस्थित कार्यक्रम अधिकृत रामकृष्ण भट्टराईले जानकारी गराउनुभएको छ ।