काठमाडौं । काठमाडौं बचत तथा ऋण सहकारी संघ लि. (कास्कून) को आयोजना र नेफ्स्कूनको साझेदारीमा मंसिर २८ र २९ गते दुई दिवसीय 'सञ्चालन तथा कानुनी जोखिम व्यवस्थापन तालिम' चावहिल काठमाडौंमा सम्पन्न भएको छ । तालिम समापन कार्यक्रमका अध्यक्ष कास्कून संचालक एवं कार्यक्रम तथा शिक्षा उपसमिति संयोजक पुरुषोत्तम नेपालले बचत तथा ऋण सहकारी संस्थाहरु जोखिमका विभिन्न क्षेत्रबाट प्रभावित हुने बताउँदै संस्थाका संचालक समिति, उपसमितिहरु, व्यवस्थापन र सदस्यहरुले आ–कर्तव्य र जिम्मेवारी पालना गर्न सके आन्तरिक नियन्त्रणको रुपमा कार्य भई जोखिम न्युनिकरण गर्न सकिने बताउनुभयो । नेफ्स्कूनका तालिम अधिकृत सुमनराज घिमिरेले सहजीकरण गर्नुभएको तालिम कार्यक्रमको समापनमा प्रतिक्रिया राख्दै प्रतिनिधि सहभागीहरुले आगामी दिनमा सदस्य संस्थाहरुको माग तथा आवश्यकताका आधारमा तालिम कार्यक्रमहरुको विकास गर्न कास्कूनलाई सुझाव दिनुभयो ।

कार्यक्रममा समापन अध्यक्ष तथा सहजकर्ताले संयुक्त रुपमा सहभागीहरुलाई प्रमाणपत्र प्रदान गर्नुभएको थियो । समापन कार्यक्रम कास्कूनका तालिम अधिकृत लव सिंखडाले संचालन गर्नु भएको थियो ।