काठमाडौं । टोखा न.पा. वडा. नं ९ सिद्धिटोल गोंगबुमा अवस्थित गोङ्गबुसिद्धि बचत तथा ऋण सहकारी संस्थाको आज सम्पन्न २८औं बार्षिक साधारणसभाले पूर्ण प्रजापतिको अध्यक्षतामा नयाँ सञ्चालक समिति चयन गरेको छ । संस्थाका अध्यक्ष गोबिन्द महर्जनको सभापतित्वमा सम्पन्न साधारण सभाको उद्घाटन नेफ्स्कूनका बरिष्ठ उपाध्यक्ष चन्द्र प्रसाद ढकालले गर्नुभएको थियो । 

कार्यक्रममा नेफ्स्कूनका पूर्व प्रशासन प्रमुख शिव अधिकारी, नेफ्स्कून गोंगबु फिल्ड कार्यालय इन्चार्ज प्रकाश अधिकारी लगायत स्थानीय सहकारी प्रतिनिधिहरुको विशेष उपस्थिति रहेको थियो ।  

साकोसको चार वर्षको लागि निर्वाचित नयाँ सञ्चालक समितिमा पूर्ण प्रजापतिको नेतृत्वमा ९ सदस्यीय संचालक समिति र ३ सदस्यी लेखा सुपरिवेक्षण समिति निर्विरोध चयन भएको हो  । पूर्ण प्रजापति यस अघि उपाध्यक्ष हुनुहुन्थ्यो । त्यसैगरी नवनिर्वाचित समितिको उपाध्यक्षमा शम्शेर बहादुर गाईजु, सचिवमा नरेन्द्र मान नकर्मी र कोषाध्यक्षमा पूर्णकाजी प्रजापति रहनु भएको छ । त्यस्तै सदस्यहरुमा जयमान महर्जन, शान्तिदेवी बज्राचार्य, निराजन कुमार महर्जन, सत्यलक्ष्मी महर्जन, अजय महर्जन निर्वाचित हुनु भएको छ ।

नेफ्स्कूनका पूर्व प्रशासन प्रमुख शिव अधिकारी प्रमुख निर्वाचन अधिकृतको भूमिकामा रहेर निर्वाचन कार्यक्रम सम्पन्न साथै नयाँ समितिलाई सपथ समेत खुवाउनुभएको थियो । 

साधारण सभामा संस्थाका अध्यक्ष गोबिन्द महर्जनले प्रस्तुत गर्नुभएको वार्षिक प्रतिवेदन, सचिव नरेन्द्रमान नकर्मीले प्रस्तुत गर्नुभएको भावी योजना, कोषाध्यक्ष पूर्णकाजी प्रजापतिले प्रस्तुत गर्नुभएको लेखा परिक्षण प्रतिवेदन र भावी बजेट र लेखा सुपरिवेक्षण समितिका सदस्य नविन डंगोलले प्रस्तुत गर्नुभएको लेखा प्रतिवेदन सर्वसहमत रुपले पारित गरेको छ ।

आर्थिक वर्ष २०७७/०७८मा संस्थाको शेयर पूँजी २,४९,९२,६००/पुगेको छ । त्यस्तै बचत निक्षेपमा २९,७९,२४,६४१।७७/ पुगेको छ । यस अवधिमा संस्थाले २७,५५,४८,३४५।७२/ कर्जा लगानी गर्न सफल भएको थियो । त्यस्तै संस्थाको जगेडाकोष र अन्य कोषहरुमा १,८६,२८,००५।९८, कर्जा जोखिम कोषमा २,०७,१७,५८३।३१ रहेको छ ।

संस्थाले आर्थिक वर्ष २०७७/०७८मा ३७,७८,४४,७९४।३६ कुल कारोबार गरेको साधारण सभामा जानकारी गराईएको  थियो ।

संस्थाले ज्येष्ठ सदस्य (बृद्ध–बृद्धा) सम्मान, एस.ई.ईमा उर्तिण विद्यार्थीहरुलाई सम्मान तथा आवधिक बचत कर्ताहरुलाई सम्मान गरिएको थियो । संस्थाको वार्षिक साधारणसभा सञ्चालन संस्थाका सचिव नरेन्द्र मान नकर्मीबाट र स्वागत कार्यक्रम संस्थामा सदस्य शम्शेर बहादुर गाईजुबाट भएको थियो ।