काठमाडौं । कास्कीको माछापुच्छ्रे गाउँपालिका स्थित सार्दिखोला बचत तथा ऋण सहकारी संस्थाको १५औं बार्षिक साधारणसभा आज सम्पन्न भएको छ । १५औं बार्षिक साधारणसभाका अवसरमा आजै साकोसको नवनिर्मित भवनको उद्घाटन समेत भएको छ । 

नवनिर्मित भवनको उद्घाटन प्रमुख अतिथि नेफ्स्कूनका अध्यक्ष परितोष पौड्यालले गर्नुभएको थियो । साकोसको ४ तले निर्माणाधिन भवनको ३ तलाको सम्पूर्ण काम सम्पन्न भएसँगै आज साधारणसभाको अवसर पारेर भवनको औपचारिक उद्घाटन भएको संस्थाका व्यवस्थापक बेगनाथ पौडेलले जानकारी गराउनुभयो ।  

त्यसैगरी सभाले पुनःसर्वजित गुरुङको अध्यक्षतामा ११ सदस्यीय सञ्चालक समिति र मिरा आचार्यको संयोजकत्वमा ३ सदस्यीय लेखा सुपरीवेक्षण समिति समेत निर्वाचित गरेको छ । समितिको उपाध्यक्षमा गिरीधारी आचार्य, सचिवमा राम प्रसाद आचार्य, कोषाध्यक्षमा निरशोभा गुरुङ, र सदस्यहरुमा पुण्यशोभा गुरुङ, माधव आचार्य, अनिल गुरुङ, सपना गुरङ, शान्ता नेपाली, कृष्ण प्रसाद शर्मा र सन्तोष ताम्राकार निर्वाचित हुनुभएको छ । त्यसैगरी लेखा सुपरीवेक्षण समिति को संयोजकमा मिरा आचार्य र सदस्यहरु टेकराज आचार्य र टिकाराम शर्मा (विपुल) निर्वाचित हुनुभएको छ ।