सिन्धुली । बचत तथा ऋण सहकारी संस्थाले आ–आफ्नो प्रगति र सिकाइ एक आपसमा आदान प्रदान गरी सहकारीकर्मीहरुको क्षमता अभिवृद्धि गर्दै संस्थागत स्तरोन्नति गर्ने उद्देश्यले सञ्चालित एक दिवसीय कार्यकुशता तथा सिकाइ व्यवस्थापन कार्यशाला शनिवार सिन्धुलीको सुनकोशी गाउँपालिकास्थित रातामाटामा सम्पन्न भएको छ । 

जनकल्याण बचत तथा ऋण सहकारी संस्था लि. बोहोरेटार को आयोजन,  नेफ्स्कून र सिन्धुली बचत तथा ऋण सहकारी संघ लि. को प्राविधिक सहयोग सञ्चालित उक्त कार्यक्रममा सुनकोशी क्लस्टरमा आबद्ध ८ बचत तथा ऋण सहकारी संस्थाबाट गरी २८ जना सहकारीकर्मीहरुको उत्साहजनक सहभागिता रहेको थियो ।

आयोजक संस्थाका अध्यक्ष चक्रबहादुर श्रेष्ठको अध्यक्षता र सिन्धुली बचत तथा ऋण सहकारी संघ लि. की अध्यक्ष बालकुमरी श्रेष्ठको प्रमुख आतिथ्यमा सम्पन्न सो कार्यशालाको सञ्चालन अमृत तिमल्सिनाले र स्वागत कृष्ण प्रसाद चौलागाईले गर्नुभएको थियो ।

जोखिममा आधारित साकोस सुपरीवेक्षण कार्यक्रम कर्ब्स अन्तरगत सञ्चालित यस्ता कार्यकमबाट संस्थालाई सुशासित, गुणस्तरीय र व्यवस्थित बनाउन महत्वपूर्ण सिकाई हुने धारणा प्रमुख अतिथि श्रेष्ठले राख्नुभएको थियो । साकोस प्रतिनिधिहरुले आ आफ्नो प्रगति र सिकाइबारे प्रस्तुतिकरण गर्नुभएको थियो भने कार्यक्रम सहजीकरण नेफ्स्कूनका कार्यक्रम अधिकृत श्यामराजा तिमल्सिनाले गर्नुभएको थियो । सो कार्यशालामा बचत संघ की महासचिव मिथुला घिमिरे र नेफ्स्कूनका सहायक कर्मचारी श्याम बुढाथोकी समेतको उपस्थिति थियो ।