काठमाडौं । धादिङको गल्छी गाउँपालिका–६, बैरेनीमा अवस्थित हाइवे बचत तथा ऋण सहकारी संस्था लि.को १५औं बार्षिक साधारणसभा पुस १० गते शनिवार सम्पन्न भएको छ । 

साकोसकी अध्यक्ष उमा सिँखडाको अध्यक्षतामा आयोजित सभाको उद्घाटन नेफ्स्कूनकी उपाध्यक्ष शान्ति अधिकारीले गर्नुभएको थियो । सभामा महिला सदस्यहरुको उत्साहजनक सहभागिता रहेको थियो । सभाले साकोसका विभिन्न सेवामा उत्कृष्ट कारोबार गर्ने सदस्यहरुलाई सम्मानित गरेको थियो । 

२०६३ साल कार्तिक  २१ गते  दर्ता  भई सञ्चालनमा रहेको साकोसले आफ्नो  १६औें स्थापना दिवस कार्यक्रम समेत सम्पन्न गरिसकेको छ । नेफ्स्कून स्तरीकरण कार्यक्रम कर्ब्समा आवद्ध साकोसमा हाल ३ हजार ७ सय ७५ सदस्य र कुल ३३ करोड ५३ लाख सम्पत्ती रहेको छ ।