काठमाडौं । सहकारीको सन्दर्भ ब्याजदर पुनरावलोकन सम्बन्धमा दबाब दिन आज राष्ट्रिय सहकारी महासंघको नेतृत्व सहित अभियान टोली विभाग पुगेको छ । महासंघका अध्यक्ष मिनराज कडेलको नेतृत्वमा गएको टोलीले सहकारी विभागका रजिष्ट्रार रुद्र प्रसाद पण्डितसँग छलफल सुरु गरेको हो । 

व्याजदर पुनरावलोकनको विषयमा आजै महासंघले केन्द्रीय संघ र जिल्ला संघका प्रतिनिधिहरुबीच पनि छलफल गरेको थियो । छलफलमा सहकारीकर्मीहरुले तत्काल सन्दर्भ ब्याजदर बढाउन सरकारलाई दबाब दिनु पर्ने धारणा राखेका थिए ।

सन्दर्भ व्याजदर पुनराबलोकन गर्न अभियानबाट प्राप्त सुझावको आधारमा जतिसक्दो छिटो निश्कर्षमा पुग्ने निर्णय भएको विभागका एक प्रतिनिधिले जानकारी गराउनुभएको छ ।