काठमाडौं । नेफ्स्कून र दोलखा जिल्ला बचत संघको संयुक्त साझेदारीमा सञ्चालित जोखिममा आधारित साकोस सुपरीवेक्षण कार्यक्रम (कर्ब्स) अन्तर्गत १३ औं कार्यकुशलता तथा सिकाई व्यवस्थापन कार्यशाला  (PALM Workshop) सोमबार सम्पन्न भएको छ ।  भिमेश्वर क्लस्टर अन्र्तगत शिवशक्ति साकोस कालिञ्चोक ‐५, लापिला·को आयोजनामा सञ्चालित कार्यक्रममा आयोजक साकोसका अध्यक्ष कोष बहादुर खड्काको अध्यक्षता, दोलखा जिल्ला बचत संघका अध्यक्ष भुमिराज खड्काको प्रमुख आथित्यता र बचत संघका उपाध्यक्ष जगत प्रसाद सुवेदीको विशेष आथित्यता रहेको थियो । 

कार्यक्रममा भिमेश्वर क्लष्टरमा आबद्ध प्रगति साकोस, कालिनाग साकोस, भिमेश्वर साकोस, स्वर्ण साकोस, परोपकार महिला साकोस, ग्रामिण साकोस, श्रमजीवि साकोस र शिवशक्ति साकोस का अध्यक्ष, सञ्चालक, व्यवस्थापक र अन्य कर्मचारीहरुको सहभागिता रहेको थियो । कार्यक्रममा आदिब महिला साकोस कालिञ्चोक ६,दोलखा र दिपजँग कृषि सहकारी कालिञ्चोक का प्रतिनिधिहरुको पनि सहभागिता रहको थियो ।  

कार्यक्रममा अघिल्लो पाल्प वर्कसपको समिक्षा, नीति, कार्यविधि, संस्थाको रणनीतिक योजना, बार्षिक बजेट व्यवस्थापन र मासिक प्रतिवेदन, भाखा नाघेको ऋण व्यवस्थापन, तालिम कार्यक्रम सञ्चालन लगायतका प्रस्तावहरुउपर छलफल गरिएको थियो भने साकोस सहभागीहरुले संस्थागत प्रगति प्रतिवेदन प्रस्तुत गर्नुभएको थियो । 

कार्यक्रम सहजीकरण नेफ्स्कून दोलखाका कार्यक्रम अधिकृत पवन घिमिरे र दोलखा जिल्ला वचत तथा ऋण सहकारी संघ लि.का कार्यक्रम अधिकृत राजकुमार शिबभक्तिले गर्नुभएको थियो । 
गोष्ठीले आगामी १४ कार्यशाला श्रमजीवि साकोस शैलुङ गाउँपालिका दोलखाले २०७९ जेठको पहिलो हप्तामा गर्ने निर्णय गरेको छ ।