महोत्तरीको औरही नगरपालिका–७ स्थित बिषहारामाई बचत तथा ऋण सहकारी संस्थाले सदस्यका लागि सहकारी शिक्षा तालिम सम्पन्न गरेको छ ।

सदस्यहरुलाई सहकारीको महत्व, बचत तथा ऋणको परिचालन लगायतका विषयमा प्रशिक्षण दिइएको संस्थाले जनाएको छ । सहकारी शिक्षालाई विशेष महत्व दिएर सदस्यहरुलाई बचत र उत्पादनमूलक ऋण लगानीप्रति केन्द्रीत गर्ने उद्देश्यले तालिमको आयोजना गरिएको साकोसका अध्यक्ष जितेन्द्र यादवले जानकारी गराउनुभयो । 

सहकारी के हो, त्यसको सिद्धान्त, मूल्य र मान्यताको विषय साथै सेयर, बचत, ऋण, सहकारी र बैंक बीचको फरक लगायतका विविध विषयमा संस्थाका अध्यक्ष जितेन्द्र यादव, सचिव रामनारायण साह र व्यवस्थापक दिनेश कुमार यादवले सहजीकरण गर्नुभएको थियो ।