रुपन्देही । टुगा आस्था विकास बचत तथा ऋण सहकारी संस्थाको आयोजना, शिक्षा उपसमितिको संयोजनमा डिजिटल सेवा, प्रतिबेदन अध्ययन तथा उपसमिति कार्यविधि अभिमुखीकरण कार्यक्रम भैरहवा स्थित ग्रान्ड किचन सभाहलमा शनिवार सम्पन्न भएको छ ।

शिक्षा उपसमिति संयोजक तथा संचालक गोकुल पोखरेलको अध्यक्षता तथा संस्था अध्यक्ष डी.बी. थापाको प्रमुख आतिथ्यता रहेको उक्त कार्यक्रममा बिशिष्ट आथित्यता वरिष्ठ सल्लाहकार भीम बहादुर पुनको रहेको थियो । सञ्चालक, लेखा र उपसमितिका पदाधिकारी  लक्षित उक्त कार्यक्रममा इन्फो डेभलपर्स प्रा.लि. बुटवल प्रमुख रमेश पाण्डेयबाट डिजिटल सेवा (मोबाइल बैंकिंग) सम्वन्धी, उपसमिति कार्यविधि सम्वन्धी सचिव जित बहादुर रास्कोटी र मुख्य प्रवन्धक लक्ष्मण कुमार थापाले प्रतिबेदन अध्ययन सम्वन्धी अभिमुखीकरण गराउनु भएको थियो ।

प्रमुख अतिथि थापाले साकोसलाई नीति, विधि र प्रविधिबाट सञ्चालन गरिरहेको सन्दर्भमा थप मद्दत पुर्याउन कार्यक्रम आयोजना गरिएको बताउदै सहभागीलाई संस्थाको भए गरेको क्रियाकलाप बारे संक्षेपमा जानकारी गराउनुभएको थियो । संस्थाले उच्चतम प्रविधिको डिजिटल सेवा सदस्यलाई उपलव्ध गराइरहेको हुँदा सहभागीले सिकेर सदस्यमाझ चेतना फैलाउनु पर्ने बताउनु भयो ।

सचिव रास्कोटीले साकोसले निर्माण गरेको उपसमितिको गठन, सञ्चालन र कार्यबिबरण सम्वन्धी आन्तरिक कार्यविधि सम्वन्धी जानकारी गराउदै स्थाई रुपमा गठन हुने र पटके रुपमा गठन हुने उपसमितिको काम, कर्तव्य र जिम्मेवारी बारे अभिमुखीकरण गराउनु भएको थियो ।

मुख्य प्रवन्धक थापाले पदाधिकारीले प्रतिबेदन पढ्नेमात्र भन्दा पनि बुझ्ने क्षमता राख्नु पर्ने बताउदै त्यस्ता पदाधिकारी संस्थाको गहना हुने विचार राख्दै प्रतिबेदन बुझाइको सीप सम्वन्धी सहजीकरण गर्नु भएको थियो ।

स्वागत मन्तव्य शिक्षा उपसमिति सदस्य प्रकाश कोइरालाको र कार्यक्रम सञ्चालन सेवाकेन्द्र प्रवन्धक लक्ष्मण काउचाको रहेको थियो ।